Илья Несторович Векуа

Уикипедия — ашық энциклопедиясынан алынған мәлімет
Jump to navigation Jump to search

Илья Несторович Векуа (23 сәуір 1907 жылы, Грузия, Шешелеты селосында туған – 2 желтоқсан 1977 жылы, Тбилиси қаласында қайтыс болған)КСРО ғылым академиясының (1958 жылы) және Грузия ғылым академиясының (1946 жылы) академигі, Грузия Ғылым Академиясының президенті (1972–1977 жылдары), Социалистік Еңбек Ері (1969 жылы).

Тбилиси университетін бітірген (1930 жылы). Осы университеттің (1940–53 және 1965–77 жылдары), Мәскеу мемлекеттік университетінің (1952–59 жылдары) профессор, Новосібір (1959–64 жылдары) және Тбилиси университеттерінің (1965–72 жылдары) ректоры болды. Оның негізгі ғылыми еңбектері қазіргі математикдағы жаңа ғылыми бағытқа арналған. Ол дербес туындылы дифференциалдық теңдеулер саласында эллипстік теңдеулердің аналитикалық теориясын жасады. Бір өлшемді сингулярды интегралдық теңдеулердің теориясын құрды; механика саласында серпімді қабықшалардың математика теориясының жаңа нұсқасын жасады. Қазақстанда жоғары білікті математиктер даярлау ісіне үлес қосты. Лениндік (1963 жылы) және КСРО Мемлекеттік сыйлықтарының (1950, 1984 жылдары) лауреаты. 5 рет Ленин орденімен және медальдармен марапатталған.[1]

Шығармалары[өңдеу]

  • "Новые методы решения эллиптических уравнений", М. — Л., 1948;
  • “Обобщенные аналитические функции“, М., 1959;
  • "Теория тонких пологих оболочек переменной толщины", Тб., 1965;

Дереккөздер[өңдеу]

  1. “Қазақ Энциклопедиясы”, 2 том

Сілтемелер[өңдеу]