Инвестициялық құнды қағаздар

Уикипедия — ашық энциклопедиясынан алынған мәлімет
Jump to navigation Jump to search

Инвестициялық құнды қағаздар – ұсынушыға арналған құнды қағаз түрі, яки инвестициялау құралы ретінде айналыста жүрген және иесінің кәсіпорында немесе мүлікте үлесі бар екенін дәлелдейтін атаулы құнды қағаз.

Құнды қағазды инвестициялық құнды қағаздарға жатқызудың негізгі принципі оның атқаратын міндетіне байланысты. Егер ол қор биржаларында көпке танымал болса және айналымда қаржыландыру құралы есебінде пайдаланылса, онда инвестициялық құнды қағаздар болып табылады. Мұндай құнды қағаздар айналымдағы құжаттарға жатады. Инвестициялық құнды қағаздар ретінде акциялар, облигациялар, купондар, вексельдер, чектер, депозиттік сертификат, қоймалық куәліктер пайдаланылады. Инвестициялық құнды қағаздарды мемлекеттік, акционерлік қоғамдық ұйымдар мен банктер шығарады. Инвестициялық құнды қағаздар қосымша капиталды қорландырудың ықпалды құралы және ол капиталдың бір саладан екінші салаға құйылып отыруына мүмкіндік береді. Нарыққа өту кезеңінде инвестициялық құнды қағаздар – инвестициялық қаржыны толықтырудың сенімді құралы.[1]

Сілтемелер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том