Инженерлік дайындық

Инженерлік дайындық (Инженерная подготовка) — әскер түрлері мен арнайы әскерлердің белімшелерінің, бөлімдер мен құрамаларының жеке құрамын соғыс қимылдарын қамтамасыз ететін инженерлік міндеттер мен шараларды орындауға үйрету. Инженерлік дайындық — барлық әскер түрлері мен арнайы әскер дайындығының құрамды бөлігі. Бөлімшенің жеке құрамы өздігінен танкіге және жаяу әскерге қарсы бөгеттер жасап, олардан өтуге, лектік жолдар жасап, бөгеттерден өтуге, өткелден өтудің табельдік және жергілікті құралдарын пайдаланып, су тосқауылдарынан шабуылдап өтуге, басқару, атысты жүргізу және бақылау, жеке құрам мен әскери техниканы тасалау пунктері үшін құрылыстар салуға, табельдік және жергілікті құралдар көмегімен өзінің позициясы мен орналасқан ауданын бүркемелеуге, жергілікті су көздерінің негіздерінде қарапайым сумен қамтамасыз ету пунктерін салуға, фортификациялық құрылыстарды қалпына келтіруге, өзі орналасқан ауданды үйінділерден тазартып, өрттерді сөндіруге үйренеді. Бөлімдер мен құрамалар штабтарының командирлері, офицерлері бөлімдердің (құрамалардың) соғыс қимылдарын инженерлік қамтамасыз етілуін ұйымдастыру, инженерлік есеп және жоспарлау әдістемелерін меңгереді. Ал бөлімшелердің офицер командирлері, сонымен қатар, инженерлік дайындық сабақтарын еткізу әдістемесін меңгереді. Сабақтар штабтарда жоспарланып, бағдарламаға сәйкес еткізіледі.