Инские белки

Уикипедия — ашық энциклопедиясынан алынған мәлімет
Jump to navigation Jump to search

Инские белки, Иня таулары – Алтай тауларының Тікирек және Қоржынтау жоталары аралығындағы тау.


Шығыс Қазақстан облысы Глубокое ауданы жерінде, Ресейдің Алтай өлкесімен шектесетін тұсында орналасқан. Абсолюттік биіктігі 2232 м.

Жер қыртысы негізінен палеозой шөгінділері мен метаморфты жыныстардан түзілген. Таудың солтүстік және оңтүстік беткейлері тік, жартасты келген. Шығыс бөлігі батысына қарағанда биіктеу. Оңтүстік беткейлерінен Белопорожная Уба(Ақ Үбі), солтүстігінен (Ресей аумағынан) Иня өзендері бастау алады.

Беткейлері мен тау шатқалдарында қарағай, майқарағай, самырсын өседі. Төмендегі қайың, терек өскен орман алқабында итмұрын, қарақат, алаңқайларда кәдімгі тарғақ шөп, қоңырбас, т.б. шөптесіндер өседі. Жануарлардан аю, құну, марал, таутеке; құстардан саңырау құр, шіл, тоқылдақ, ұлар, т.б. мекендейді.[1]

Дереккөздер[өңдеу]

  1. Қазақ Энциклопедиясы