Интегралдық геометрия

Интегралдық геометрия - геометриялық бейнелердің өлшеуіштері жайындағы ғылым.

Біртекті кеңістік құрастыратын жиындары сипаттайтын сандары болады. Бұл сандар сол жиындардың өлшеуіштері деп аталады. Мысалы, жазықтықтағы нүктелер жиынының өлшеуіші, түзулер жиынының өлшеуіші, кесінділер жиынының өлшеуіші, жиынның өлшеуіші, белгілі бір шарттарды қанағаттандыратын қисық сызықтар жиынының өлшеуіші т.с.с бар. Жиындардың өлшеуіші интегралдар арқылы анықталады. Интегралдық геометрия дифференциалдық геометрия, дөңес денелер теориясы, ықтималдықтар теориясы және өлшеуіштер теориясы идеяларының ұштасуы негізінде 20 ғасырдың 30 жылдарында қалыптаса бастады. Бұл бағытта алғаш еңбек еткен ғалымдар М.В. Крофтон, В. Бляшке, П.К. Рашевский, Л.А. Сантало, М. Каймович т.б болды. Интегралдық геометрия атауын ұсынған және бұл пәннен алғаш рет лекциялар оқыған ғалым В. Бляшке. Интегралдық геометрия қазір даму үстінде.