Интерорецептор

Интерорецептор (лат. interoreceptor interior - ішкі, receptor — қабылдағыш) - тітіркеністерді организмнің ішкі ортасынан қабылдайтын сезімтал жүйке ұшы. Адам мен жануарлар денелеріндегі сезімтал жүйке ұштары арнайы маманданудың нәтижесінде тек өздеріне тән тітіркендіргіштер әсерлерін ғана қабылдайды. Осыған сәйкес олар: механорецепторлар (механикалық тітіркеністерді), терморецепторлар (ыстық, суық т.б. температуралық тітіркеністерді), барорецепторлар (қысымдық тітіркеністерді), хеморецепторлар (химиялық тітіркеністерді), фоторецепторлар (жарық сәулелерін, заттардың түр-түсін) болып ажыратылады.