Интерпозиция

Интерпозиция (лат. inter - аралық, жай, лат. positio - орын) — бағыныңқы сыңардын басыңқы сыңар арасына кірігуі.

Қазақ тілінде сабақтас құрмаластың бағыныңқы компоненті кейде басыңқы компоненттің ортасында жұмсалады. Мұндай жағдайда сабақтас сөйлемнің басыңқы компоненті екіге жарылып, бағыныңқы компонент солардың екі арасына түседі. Басыңқы компоненттің бастауышы сөйлемнің басында оқшауланып, дараланып айтылады. Дараланған бастауыш өзінен кейін іле-шала қолданылатын бағыныңқы сөйлемдегі айтылатын оймен байланысын күшейте түседі. Мысалы: Мен, жау тас-талқан болып жеңілгенше, ілгері қарай аяңдай беруге тиістімін (Б. Бұлкышев).