Иондалу потенциалы

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Иондалу потенциалы - негізгі күйде тұрған атомның (не молекуланың) бір рет иондалуына қажетті энергияның ең кіші мәнінің электрон зарядына қатынасымен анықталатын физикалық шама.

X + energy → X+ + e-

Иондалу потенциалы атомнан не молекуладан электронды бөліп шығаратын жұмысқа тең шама иондалу энергиясының өлшеуіші болып табылады. Ол атомдағы не молекуладағы электрон байланысының беріктігін сипаттайды. Иондалу потенциалы "в" арқылы өрнектеледі, сан мәні жағынан ол эв - пен алынған иондалу энергиясына тең. Иондалу потенциалының мәні электрондық соққы туғызатын иондалуды зерттеу кезінде, сондай - ақ фотоиондалудағы фотондардың энергиясын өлшеу арқылы эксперимент жүзінде анықталады. Атомдар мен қарапайым молекулалар үшін иондалу потенциалының ең дәлірек мәні энергия деңгейлерінің спектроскопиялық мәліметтерінен алынады[1].

Дереккөздер[өңдеу]

  1. Қазақ Совет Энциклопедиясы, Алматы 1974,5 том.

Сыртқы сілтемелер[өңдеу]