Ирина Маратовна Лебсак

Ирина Маратовна Лебсак - 1963 жылы 9 шілдеде Павлодар қаласында туған. Орыс. Әкесі - Лебсак Марат Викторович (1942 ж. т.), құрылысшы. Анасы - Лебсак Евгения Сергеевна (1940 ж. т.), зейнеткер, мөдицина қызметкері болып істеген. Павлодар педагогика институтын (1984) орыс тілі мен әдебиетінің оқытушысы мамандығы бойынша; Алматы мемлекеттік театр-көркемөнер институтын (1988) драма театры мeн киноның актрисасы мамандығы бойынша бітірген. 1988 жылдан бері - М.Ю. Лермонтов атындағы мемлекеттік академиялық орыс драма театрында актриса. «Дядя Ваня» (Елена Андреөвна), «Иванов» (Анна Петровна), «Мужской род, единственное число» (Жасант), «На дне» (Василиса Карповна), «Сети дьявола» (Елена), «Таланты и поклонники» (Александра Николаевна), «Эзоп» (Клея) және басқа спектакльдерде рөлдер орындайды. «Қазақфильм» киностудиясының «Тоғысқан тағдырлар» (Лаура), «Саранча» (Евгения Гордейқызы) телесериалдарына түскен. ҚР Мемлекеттік сыйлығының лауреаты. ҚР Құрмет грамотасымен марапатталған. Қазақстанның Еңбек сіңірген қайраткері. Діни көзқарасы - православиелік. Саяси қайраткер ретіндегі идеалы - А. Линкольн. Қазақстанның болашағы туралы болжамы - «Мемлекет- мақтаныш». Хоббиі - тоқыма тоқу, кітап оқу, компьютер. Сүйіп оқитын әдебиеті - классикалық туындылары. Тұрмыс құрған. Жұбайы - Якушев Юрий Апександрович (1962 ж. т.), М.Ю. Лермонтов атындағы мемлекеттік академиялық орыс драма театрының директоры. Қызы - Евгения (2000 ж. т.).