Ирландықтар

Уикипедия — ашық энциклопедиясынан алынған мәлімет
Jump to navigation Jump to search

Ирландықтар (ирландша Muintir na hÉireann or Na hÉireannaigh) — ұлт, Ирландияның жергілікті халқы.

1971 жылы Ирланд Республикасында 2,9 млн-нан астам, Ұлыбританияда (негізінен Солтүстік Ирландияда) 1,3 млн ирландықтар болды.

Жаппай эмиграцияның (әсіресе 19 ғасырдың 2-жартысында) нәтижесінде шетелдерде ирландықтардың саны күрт өсті. Мысалы АҚШ-та 2 миллиондай, Канадада 160 мыңдай, Австралия мен Океанияда 60 мыңнан астам ирландиялықтар тұрады. Көпшілігі ағылшын тілінде сөйлейді.

Ирландықтардың негізін аралға біздің заманымыздан бұрын 4 ғасырда қоныс тебуші кельт тілдес гэл тайпалары құрады. Ирландықтар халық ретінде 10 - 12 ғасырда қалыптасып, ұлт болып 18 - 19 ғасырда біріге бастады. Бұл процесс ағылшын отаршылары жүргізген таптық және ұлттық езгіге ұшыраған ауыр жағдайда өтті. Ағылшын билеушілері ирланд (гэл) тілі мен ирланд католик шіркеуін қуғын - сүргінге ұшыратты. Ирландықтардың өз тілі мен мәдениетін сақтап қалуға бағытталған күресі етек алды. 1921 жылы Ирландия дербес мемлекет болып құрылғаннан кейін ирланд тілі ағылшын тілімен бірге ресми тіл болып танылды. Діни нанымы бойынша басым көпшілігі католиктерге жатады. [1]

Дереккөздер[өңдеу]

  1. Қазақ Совет Энциклопедиясы, Алматы 1974,5 том.