Исабай Есқараұлы

Уикипедия — ашық энциклопедиясынан алынған мәлімет
Навигацияға өту Іздеуге өту

Исабай Есқараұлы - 1919 жылы 8 қарашада Алматы облысы, Қарасай ауданы, Шамалған-Көлащы ауылында дүниеге келген. Балалар үйінде тәрбиеленген. 1938 жылы Түргендегі мүғалімдер даярлайтын училищені бітіріп, мектепте ұстаздық етеді. 1939 жылы Қызыл Армия қатарына шақырылып, 19391940 жылы фин соғысына, одан Ұлы Отан соғысына қатысады. 1946 жылы елге оралып, Жамбыл аудандық оқу бөлімінде инспектор, кешкі мектеп директоры болып қызмет атқарады. 1952 жылы ҚазПИ-ді сырттай оқып бітірген.

1952 жылы Жамбыл аудандық газетінде Панфилов туралы поэмасы шықты. «Ақыл айнасы» пьесасы қуыршақ театрында қойылған.


ІІІ дәрежелі Құрмет, Ұлы Отан соғысы ордендерімен, көптеген медаль, Құрмет Грамоталарымен, ҚР Президентінің Алғыс хаттарымен марапатталған.

Шығармашылығы[өңдеу | қайнарын өңдеу]

«Мен командирмін», «Ақ жамылған періште», «Әділбек Майкотов», «Тазша бала», «Тікенек», «Ақыл айласы», «Шот аяқ», «Атаманның ақыры» сияқты пьесалардың авторы.

  • Тосқауыл. Повесть. А., «Жалын», 1977;
  • Ар мен ажал. Повесть. А., «Жалын», 1993;
  • Барлаушыға түн серік. Роман. А., «Жазушы», 1986;
  • Барлау түн жарымында басталады. Роман. А., «Ана тілі», 1998;
  • Барлау бағыты - Гамбург. Роман. А., «Шартарап», 1998;
  • Қанды із. Детектив роман. А., «Шартарап», 2000;
  • Ұстаз. «Үш қиян», 2008;
  • Қанды белес. «Ан Арыс», 2008;
  • Черкас өрт жалынып да. «Жас қазақ», 2004;
  • Өмір дерек. «Жазушы», 2008;
  • Пулеметші Төлен мен Коля. Повесть. 2009;[1]

Дереккөздер[өңдеу | қайнарын өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл