Ичисйе

Уикипедия — ашық энциклопедиясынан алынған мәлімет
Навигацияға өту Іздеуге өту

Ичисйе– Ұлы ғұндар ұлысының тәңірқұты (б.з.б. 126 – 114 жылы), Модэ (Мөде) тәңірқұттың немересі, Гиюй (Лаошань) тәңірқұттың ұлы. Билікке келгенге дейін Учисйе ғұн мемлекетінің шығыстағы Лули князі қызметін атқарған. Б.з.б. 126 жылы ағасы Гюнгень тәңірқұт қайтыс болғаннан кейін, билік үшін күресте оның ұлы Юйбиді жеңіп шығады. Осы кезеңде ғұн мемлекетіне Қытайдың Хань императоры У-дидан қауіп төніп тұрған еді. Учисйе аз уақытта мемлекет ішіндегі алауыздықты жойып, 126 жылдың жазы мен күзінде Қытайдың Солтүстік-шығыс аймақтарына бірнеше жорық ұйымдастырады. Қытай да өз тарапынан ғұндарға қарсы жойқын жорықтар жасайды. Бұл қақтығыста сәтсіздіктерге ұшыраған Учисйе кінәні өзінің мемлекетіндегі хючжуй, хуньше руларына артып, оларға жаза қолданады. Мемлекет ішіндегі алауыздық пен Хань әулетінің жасаған шабуылдары ғұндар мемлекетін әлсіретеді. Учисйе ғұндарды Гоби шөлінің бергі бетіне көшіреді.

Сілтемелер

[өңдеу | қайнарын өңдеу]

“Қазақ Ұлттық Энциклопедиясы”,4 – том