Иірсу-Дәубаба қорықшасы
Иірсу-Дәубаба қорықшасы | |
Жалпы мағлұмат | |
---|---|
Ауданы | 19 000 га |
Орташа биіктігі | 1800 м |
Орналасуы | |
42°25′23″ с. е. 70°07′25″ ш. б. / 42.423046° с. е. 70.123525° ш. б. (G) (O) (Я)Координаттар: 42°25′23″ с. е. 70°07′25″ ш. б. / 42.423046° с. е. 70.123525° ш. б. (G) (O) (Я) | |
Ел | Қазақстан |
Аймақ | Түркістан облысы |
Аудан | Түлкібас ауданы |
Иірсу-Дәубаба қорықшасы – республикалық маңызға ие зоологиялық қорықша.
Географиялық орны[өңдеу | қайнарын өңдеу]
Түркістан облысы Түлкібас ауданының жерінде 19 мың га жерді алып жатыр. Талас Алатауының қиыр батысындағы тау жоталарында (биіктігі теңіз деңгейінен 1800 метрге дейін) орналасқан.
Жер бедері мен флорасы[өңдеу | қайнарын өңдеу]
Жер бедері адырлы-шоқылы болып біткен. Бетегелі далада астық тұқымдастары мен шалғындық шөптесін өсімдіктер және бұта (итмұрын, долана, ырғай, т.б.) өседі. Қорықшаның жер бедері сай-салалы, ойысты, құлама жарлы келеді. Сайлы жерлерде әр түрлі жеміс ағаштары (алма, шие, т.б.) мен шағын ормандар кездеседі.
Фаунасы[өңдеу | қайнарын өңдеу]
Жануарлардан – елік, қасқыр, түлкі, қызыл суыр, сібір таутекесі, т.б. мекендейді. Құстардан кекілік көп, ал өзендерінде көкбас пен қаяз балықтары кездеседі. Қорықшада сирек кездесетін, Қазақстанның «Қызыл кітабына» енгізілген бүркіт, жұртшы, қара дегелек, Тянь-Шань қоңыр аюы, үнді жайрасы, әсіресе, Мензбир суыры қорғалады.[1]
2006 жылы Сайрам-Өгем ұлттық паркінің құрамына кірді.
Дереккөздер[өңдеу | қайнарын өңдеу]
- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5