Йемен таулары
| Йемен таулары | |
| Сипаттамасы | |
|---|---|
| Ұзындығы |
500 км |
| Ең биік шыңы | |
| Биіктігі |
3600 м |
| Орналасуы | |
|
15°27′ с. е. 49°00′ ш. б. / 15.450° с. е. 49.000° ш. б. (G) (O) (Я)Координаттар: 15°27′ с. е. 49°00′ ш. б. / 15.450° с. е. 49.000° ш. б. (G) (O) (Я) | |
| Елдер | |
|
| |
Йемен таулары, Джебел – Арабия түбегінің оңтүстік-батысындағы тау жүйесі.
Географиялық орны[өңдеу | қайнарын өңдеу]
Йемен Республикасы және Оман аумағында орналасқан. Йемен таулары солтүстік-батыстан сңтүстік-шығысқа қарай 500 км-ге созылған. Абсолюттік биіктігі 3600 м (ән-Наби-Шаиб тауы).
Геологиялық құрылымы, жер бедері[өңдеу | қайнарын өңдеу]
Таулы массив кристалды және жанартаулы жыныстардан түзілген. Беткейлері кертпештелген. Сөнген жанартаулар кездеседі. Терең шатқал, аңғарлармен тілімденген беткейлері Қызыл теңізге және Аден шығанағына тіреледі. Солтүстік-шығыс бөлігі аласарып, Руб әл-Хали шөліне ұласады. Тау басы тегістеу келген қойтастардан тұрады.
Климаты[өңдеу | қайнарын өңдеу]
Йемен тауларының климаты тропиктік, ыстық әрі құрғақ. Қыс айларының жылдық орташа температурасы 160С, жазда 320С. Температураның тәуліктік ауытқуы 20 – 250С-қа жетеді. Жауын-шашын, негізінен, қыс айларында түседі. Оның жылдық орташа мөлшері 200 – 250 мм, кейбір жылдары 500 мм-ге жетеді. Биік тау бастарына қыста қар түседі.
Өсімдігі[өңдеу | қайнарын өңдеу]
Ландшафтысы құрғақ тау аңғарларынан тұрады, тау етегі – шөлді өңір. Өзен аңғарлары мен бойында жыңғыл, қараған, 1000 – 1500 м биіктікте арша, зәйтүн, бадам ағаштары, дум, құрма пальмалары, олеандр, інжір, т.б. өседі. Йемен таулары тұрғындарының 75%-і тау аңғарлары мен беткейлерде қоныстанған. Олар террасалық бау-бақша егумен айналысады. Негізгі ауыл шаруашылығы өнімдері: тары, сизаль, арпа, бидай, жүгері, көкөніс және жеміс ағаштары. [1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том