Йозеф Цигер-Гронский

Йозеф Цигер-Гронский
словак. Jozef Cíger-Hronský
Туған күні	23 ақпан 1896 (1896-02-23)
Туған жері	Зволен, Аустрия-Мажарстан
Қайтыс болған күні	13 шілде 1930 (1930-07-13) (34 жас)
Қайтыс болған жері	Лухан, Аргентина
Мансабы	жазушы, драматург, ұстаз, публицист, редактор
Жанры	проза, пьеса
Ортаққордағы санаты: Йозеф Цигер-Гронский

Йозеф Цигер-Гронский (словак. Jozef Cíger-Hronský; 23 ақпан 1896, Зволен, Аустрия-Мажарстан (қазіргі Банска-Бистрица өлкесі, Словакия) — 13 шілде 1960, Лухан, Аргентина) — Словак жазушысы, драматург, мұғалім, публицист.

Өмірбаяны

1896 жылы 23 ақпанда шаруа отбасында дүниеге келген. 1910 жылы мемлекеттік мектепті бітіргеннен кейін 1914 жылға дейін Левицадағы венгр педагогикалық училищесінде оқыды. Содан кейін мұғалім болды. Бірінші дүниежүзілік соғысқа қатысып 1917-1918 жылдары Италия майданында жаяу әскерде болып қызмет етті. Кейінірек, 1928-1945 жылдар аралығында ол балаларға арналған «Slniečko» («Кішкентай күн») журналының редакторы болып жұмыс істеді.

1933 жылы Матица Словакияның (Словак ұлттық мәдени-ағарту қоғамы) хатшысы болды, ал кейінірек 1940 жылы оның басшысы болды, бұл лауазымда 1945 жылға дейін қалды. 1930 жылдардың аяғында ол Глинка Словакия халық партиясына қосылды. 1944 жылы Словакия Ұлттық көтерілісінен кейін қамауға алынды, бірақ біраз уақыттан кейін түрмеден босатылды. Бірінші Словакия Республикасы жеңілгеннен кейін қуғын-сүргіннен қорқып, Аустрияға, содан кейін Италияға қоныс аударды, кейін Аргентинаға қоныстанды, онда тоқыма фабрикасында дизайнер болып жұмыс істеді.

1989 жылғы барқыт төңкерісінен кейін оның сүйегі Чехословакияға жеткізілді, содан кейін 1993 жылы Мартиндегі Ұлттық зиратқа салтанатты түрде қайта жерленді.

Шығармашылығы

Шығармашылығында ол классикалық реализмнен экспрессионизмге қарай дамыды: «Біздің жерде»(«U nás», 1923), «Томчиковцы» («Томчковци», 1933) автобиографиялық әңгімелер жинақтары, т.б.;
Романдары: «Нан» («Chlíeb», 1932), «Йозеф Мак» («Jozef Mak», 1933, орысша аудармасы 1972), «Бітікші Грач» («Pisár Grač», 1940), «Мастер Андреас Бур» («And­reas Búr Majster», 1948) романдары, т.б. «Трасовискодағы бейбітшілік» («Svet na Tra­so­vis­ku», 1960) романында 1944 жылғы Словакияның ұлттық көтерілісі оқиғалары түсіндіріледі. Оның басқа шығармаларының қатарында драматургия, публицистика, балаларға арналған кітаптар бар.