Кабе Этьен

Кабе Этьен (фр. Étienne Cabet; 1 қаңтар 1788, Дижон – 8 қараша 1856, Сент-Луис, Миссури) – француз утопиялық социалисті. "Икарияға саяхат" деген фантастикалық романында және басқа да еңбектерінде Кабе өзінің "Икариялық коммунизм" деп аталып кеткен идеяларын баяндады. Онда теңгерімшілік, болашақ қоғамда дінді сақтау, кедейлер мен байларды "ымырластыру" пікірлері баяндалған. Кабе пролетариаттың революциялық күресіне қарсы шығып, коммунизмді бейбіт жолымен жүзеге асыруды жақтады. Философиялық мәселелер жөнінде, әсіресе тарихқа деген көзқарастарында Кабе идеалистік нанымды ұстанып, оны 17-ғасырдағы рационализмін платонизммен және неоплатонизммен ұштастыруға тырысты.