Кавьядарша

Уикипедия — ашық энциклопедиясынан алынған мәлімет
Мұнда ауысу: шарлау, іздеу

«Кавьядарша» (Kâvyâ-darça - поэзия айнасы) —үнді жазушысы Дандиннің (VII ғасыр) поэтика жөніндегі трактаты. Үнді классикалық поэзиясының гүлденген кезіндегі бай тәжірибеге сүйеніп жазылған. «Кавьядарша» үш тараудан тұрады. 1-тарауда көркем әдебиеттің тегі мен жанрларын (проза, өлең, «аралас» түрлері), әдеби тілді, аллитерация түрлерін («анупраса») және табиғи, үлгі, анық «вайдарбхи» мен астарлы «гаудия» стильдерін анықтады. 2-тарауда аланкардың ішкі мағыналық және сөз тұлғаларына қарай салыстыру – (упама - 32 түрі), метафора (рупака), тұспал (акшепа), әсірелеу (атишайокти), сөз ойнақылығы (шлеша) туралы жазылған. Ал, сөздердің ауызша айтылуына қарай ямака (ішкі ұйқас) туралы зерттеу 3-тарауда берілген. Поэтика жөніндегі ежелгі санскриттік трактаттардың бірі – «Кавьядарша» үнді әдебиет теориясының дамуына үлкен ықпал жасады.

[1]

Дереккөздер[өңдеу]

  1. Қазақ Совет энциклопедиясы: Алматы, 1974. 5 том.