Казгеокосмос

Уикипедия — ашық энциклопедиясынан алынған мәлімет
Навигацияға өту Іздеуге өту

Казгеокосмос - мұнай-газ жобаларының тиімділігін арттыру үшін бүгінгі таңдағы зерттеудің әуе-ғарыштық әдістері мен ақпараттық технологияларын енгізу мақсатында 2003 жылы "ҚазМұнайГаз" АҚ құрылтайшылығымен құрылған акционерлік қоғам (АҚ).


Бүгінгі күнге тиесілі материалдық-техникалық базаға, ақпараттық және мамандық ресурстарға иелік ететін бұл акционерлік қоғам бір топ маңызды мәселелерді шешуге маманданған, олар:

  • мұнай-газ инфрақұрылымдары нысандары жағдайының, көмірсутек шикізатын барлау, жасақтау, тасымалдау және өңдеу шараларының әуе-ғарыштық мониторингі;
  • мұнай операцияларының қоршаған ортаға тигізер әсерінің экологиялық мониторингі;
  • төтенше жағдайларды болжау, анықтау және олардың мониторингі;
  • Жерді қашықтан зондылау мәліметтері мен геологиялық-геофизикалық мәліметтерді талдау негізінде мұнайлы-газды аумақтарды анықтау;
  • мұнай және газ кенорындарын 3-өлшемдік моделдеу т.с.с.

Акционерлік қоғамның Атырау қаласында орналасқан жер серігі ақпараттарын қабылдау орталығы бар. Бұл орталық Унискан-24 радиоқабылдау антендік кешенмен, Terra, Aqua, Radarsat, IRS-1C, IRS-1D, Метеор-ЗМ жер серіктерінен деректер алуға және оларды өңдеуге қажетті аппаратурамен және бағдарламамен жабдықталған. Бұкіл қабылданған ақпарат Алматы қаласында орналасқан орталық кеңсеге келіп түседі, осында ол арнаулы бағдарламалық жарақтар көмегімен өңдеуден өтеді.

Дереккөздер[өңдеу | қайнарын өңдеу]