Кайнозой фаунасы

Кайнозой фаунасы – кайнозой эрасы кезінде тіршілік еткен жануарлар дүниесі. Кайнозой фаунасы 65 млн. жылдан бергі уақыт аралығын қамтиды. Кайнозой фаунасын кейде сүтқоректілер заманы деп те атайды. Себебі, мезозой эрасында алып бауырымен жорғалаушылар – динозаврлар толығымен жойылып бітіп, кайнозойда жылы қанды сүтқоректілердің жедел дамыған кезеңі басталды. Бұл кезеңде сүтқоректілердің 25-тен астам отряд топтары тіршілік еткен. Олардың арасында: жыртқыштар, кемірушілер, жұп және тақ тұяқтылар, піл және кит тәрізділер, т.б. жануарлар болған. Сондай-ақ, Кайнозой фаунасының құрамына: омыртқасыздар (медуза, бауыраяқты моллюскілер, шаянтәрізділер, өрмекшілер), дөңгелекауыздылар (минога), сүйекті балықтар, қосмекенділер (саламандра), құстар (диатрима), приматтар кіреді. Ауа райының бірте-бірте құрғап, суынуына байланысты жануарлардың ортаға бейімделе алмаған түрлері жойылып, олардың орнына жаңа түрлер пайда болған.