Какиш Рыскулова

Какиш Рыскулова
Рыскулова Какиш Рыскуловна
Туған күні	15 қазан 1918 (1918-10-15)
Туған жері	Кант ауданы, Шу облысы
Қайтыс болған күні	26 тамыз 2018 (2018-08-26) (99 жас)
Қайтыс болған жері	Бішкек
Азаматтығы
Ғылыми дәрежесі	Медицина ғылымдарының докторы
Ғылыми атағы	Профессор, Қырғыз КСР Ғылым академиясының академигі, Қырғыз Республикасы Ұлттық ғылым академиясының академигі
Альма-матер	И.К.Ахунбаев атындағы Қырғыз мемлекеттік медициналық академиясы (1944)
Марапаттары

Какиш Рыскулова (15 қазан, 1918 ж., Четинди аилы, Кант ауданы Шу облысы – 26 тамыз, 2018 ж., Бішкек Қырғызстан) — хирург, Қырғыз КСР Ғылым академиясының академигі, халық ағарту ісінің үздігі, Қырғыз КСР-нің еңбек сіңірген дәрігері және Қырғыз КСР-нің еңбек сіңірген ғылым қайраткері, медицина ғылымдарының докторы, профессор. Орталық Азиядағы алғашқы әйел хирург және алғашқы әйел академик. Көптеген ғылыми мақалалар мен оқулықтардың авторы. Кәкіш Рысқұлова жаңа тігіс салу әдістері бойынша кең көлемді зерттеулер жүргізіп, жүйке және тамыр хирургиясын зерттеді.

Балалық және жастық шағы

Кәкіш Рысқұлова 1918 жылы 15 қазанда Шу ауданында дүниеге келген. 1934 жылы Фрунзедегі Республикалық медициналық училищеге оқуға түскен. Ол өзінің еңбек жолын 1936 жылы медбике болып бастады. 1944 жылы Қырғыз мемлекеттік медицина институтын үздік бітіріп, оқу кезінде Сталиндік стипендия алды. 1951 жылы кандидаттық, ал 1967 жылы Мәскеуде докторлық диссертациясын қорғады. 1968 жылы оған профессор атағы берілді.

Шығармашылығы

Кәкіш Рысқұлова 250-ден астам ғылыми мақала, 13 монография, 11 өнертабыс жариялады, 47 рационализаторлық ұсынысты енгізді және төрт оқулық шығарды. Ол бірнеше буынды талантты дәрігерлерді – 32 медицина ғылымдарының кандидатын және 7 медицина ғылымдарының докторын дайындады.

Денсаулық сақтау саласын дамытуға қосқан баға жетпес үлесі, мінсіз еңбегі, республиканың қоғамдық-саяси өміріне, медициналық, ғылыми және педагогикалық кадрларды даярлауға және Қырғыз Республикасында ғылымды дамытуға белсенді қатысқаны үшін Кәкіш Рысқұлова «Ерен еңбегі үшін», «Құрмет белгісі», «Ленин», «Данқ», 3 және 2 дәрежелі «Манас» ордендері мен медальдарымен және басқа да көптеген марапаттармен марапатталды.

Қоғамдық-саяси қызметі

Кәсіби ғылыми және медициналық жұмысымен қатар, К.Рысқұлова Фрунзе қалалық кеңесінің халық депутаты және Қырғыз КСР Жоғарғы Кеңесінің үш мәрте депутаты ретінде қоғамдық және саяси қызметке белсене қатысты. Ол V және VI шақырылымдардағы Қырғыз КСР Жоғарғы Кеңесі Төралқасы төрағасының орынбасары қызметін атқарды (1959–1967). Қырғызстан Коммунистік партиясының XII-съезінде Қырғызстан Коммунистік партиясы Орталық Комитетінің мүшесі болып сайланды.