Дмитрий Митрофанович Калейников

Уикипедия — ашық энциклопедиясынан алынған мәлімет
(Калейников Дмитрий Митрофанович бетінен бағытталған)
Jump to navigation Jump to search

Дмитрий Митрофанович Калейников (23.11.1910, Ресей, Воронеж облысы, Россошь ауданы, Стеценково селосы - 16.11.1941, Ресей, Мәскеу облысы, Волоколам ауданы, Нелидово деревнясы) - 2-дүниежүзілік соғысқа қатысушы, қатардағы жауынгер. Соғысқа дейін Алматы облысы, Кербұлақ ауданы, Қоғалы ауылының тұтыну бөлімінің төрағасы қызметін атқарған. 1932-35 жылы Кеңес әскері қатарында әскери борышын өтеген. Ұлы Отан соғысында Батыс майданына қарасты 16-армия 316-атқыштар дивизиясы 1075-атқыштар полкі 2-батальон 4-рота құрамында Мәскеу облысы, Волокалам ауданы, Дубосеково темір жолы айырмасындағы болған ұрыста жаудың 18 танкісін жоюға қатысқан. Калейниковке ерлігі үшін КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (1.7.1942).

1966 жылы Мәскеудің (Солтүстік Тушино ауданындағы бір көшеге панфиловшылардың аты берілді. 1975 жылы олардың құрметіне Дубосеково темір жолы айырмасында мемориал, ал Нелидово деревнясында (Дубосеководан 1,5 шақырым жерде) ескерткіш орнатылып, панфиловшылардың мұражайы ашылды. Алматы қаласындағы 28 гвардияшы-панфиловшылардың саябағында монумент қойылды. Сонымен қатар Мәскеудің гимніне айналған «Дорогая моя столица» өлеңінде 28 батыр туралы айтылады.

Ленин орденімен марапатталған. [1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х