Калифорния аңғары

Калифорния аңғары, Үлкен Калифорния аңғары – Солтүстік Американың Кордильер белдеуінде орналасқан ойпат. Калифорния аңғары шығысында Сьерра-Невадамен, батысында жағалаулық жоталармен шектелген. Ұзындығы 800 км, абсалют биіктігі 80 – 160 м. Жер қыртысы шөгінді жыныстардың қалың қабатымен толыққан тектоник. иіндіні құрайды. Ойпат мұнай кеніне бай. Негізгі өзендері: Сакраменто (солтүстігінде) және Сан-Хоакин (оңтүстігінде). Климаты субтропиктік, жазы жылы әрі құрғақ. Жауын-шашынның жылдық орташа мөлшері оңтүстігінде 150 мм, солтүстігінде 1000 мм-ге жуық. Ландшафтысы субтропиктік дала және шөлейттен тұрады. Калифорния аңғары жақсы игерілген. Мұнда суару-суландыру каналдары көптеп тартылған. Жеміс-жидек, жүзім ш. қалыптасқан. Ірі қалалары: Сакраменто, Стоктон, Фресно.