Камал Әбілқасымқызы Әлпейісова

Уикипедия — ашық энциклопедиясынан алынған мәлімет
Jump to navigation Jump to search
Камал Әбілқасымқызы Әлпейісова оқырмандарымен кездесуде, Астана, №48 мектеп-лицей

Камал Әбілқасымқызы Әлпейісова (10 наурыз 1956 жыл, Қостанай облысы, Амангелді ауданы «Родник» кеңшары) - аудармашы, филология ғылымдарының кандидаты.

Өмірбаяны[өңдеу]

  • 1973 жылы Арқалық қаласындағы Ш.Уәлиханов атындағы N21 орта мектепті бітірген.
  • 1978 жылы Қазақ Мемлекеттік университетінің филология факультетін тамамдаған.
  • Еңбек жолын 1979 жылы «Лениншіл жас» (қазіргі «Жас алаш») газетінде корректорлықтан бастаған.
  • 1981 жылы «Қазақстан әйелдері" журналында әдеби қызметкер
  • 1990 жылы Қазақстан Республикасы Жоғарғы Кеңесінің Әйелдер ісі, ана мен баланы қорғау комитетінде қызмет істеген.
  • 1994 жылы Қазақстан Республикасы Жоғарғы Кеңесі аппаратының Редакциялық-баспа бөлімінде консультант, ілеспе аударма секторының меңгерушісі, бөлім меңгерушісінің орынбасары болып қызмет еткен.
  • Қазір Қазақстан Республикасы Парламенті Сенаты аппараты редакциялық баспа бөлімі меңгерушісінің орынбасары болып еңбек етуде.

Шығармашылығы[өңдеу]

Республикалық газет-журналдарда әңгіме, өлең, аудармалары жарияланып тұрады.

  • «Қыз өссе, ұл есейсе» (1998)
  • «Н.Қайыпова» (2003)
  • «Жапырақтары жанымның» (2006)
  • «Мағыналас мақал-мәтелдердің, қанатты сөздердің қазақша-орысша және орысша-қазақша сөздігі» (2006) атты кітаптардың авторы.

Белгілі фольклорист ғалым, филология ғылымдарының докторы О.Нұрмағамбетовтың артында қалған еңбектерін жинақтап,

  • «Өмір өрнектері» (2003) атты кітап етіп шығарған.
  • «Шаңырақ» энциклопедиясының материалдарын аударуға атсалысқан.
  • Мұғамила Әуезованың «Әкем туралы» атты кітапшасын, М.Асаубаеваның өмірбаяндық хикаятын орыс тіліне аударған.
  • Сондай-ақ орыс тіліне Махамбет өлеңдерінің жолма-жол аудармасын жасаған.
  • «Мәдени мұра» бағдарламасы бойынша шығарылған «Әлемдік саясаттану антологиясында» грек ойшылдары Демокриттің, Аристотельдің, Платонның, Сократтың, батыс ойшылдары Бенедикт Спинозаның, Джон Локктың, Паскаль Блездің жекелеген еңбектерін аударған (2005).[1]

Дереккөздер[өңдеу]

  1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл