Камбур (футбол клубы)
 Камбур | |||
 | |||
| Толық атауы |
Sportclub Cambuur | ||
|---|---|---|---|
| Құрылған жылы | |||
| Стадионы |
Кой Стадионы (Kooi Stadion) | ||
| Сыйымдылығы |
15 000 | ||
| Президенті |
Cees Heijboer | ||
| Бас жаттықтырушы |
| ||
| Сайты | |||
| Жарыс |
Эрсте Дивизи | ||
| 2023/24 |
13. | ||
| Формасы | |||
| |||
«Камбур» (нидер. Sportclub Cambuur) — Нидерландтың Леуварден қаласынан шыққан кәсіби футбол клубы, 1964 жылдың 19 маусымында құрылған. Қазіргі уақытта олар Нидерландтың екінші деңгейлі лигасы — Эрсте Дивизиде ойнайды. Клубтың үй стадионы — 2024 жылы ашылған, 15 000 орындық Кой Стадионы[1].
Клуб әдетте сары жейде мен көк шорты киіп ойнайды. Клубтың таңбасының шығу тегі — фриздік ақсүйектер әулеті Каммингха үйінің елтаңбасына негізделген. Камбурдың басты қарсыластары — Херенвен (футбол клубы) клубы[2].
Тарихы
[өңдеу | қайнарын өңдеу]1964 жылы құрылған Камбур клубы жалпы жеті маусым бойы Нидерландтың жоғары дивизионы — Эредивизиде өнер көрсетті. 1980 және 1990 жылдары клуб Эрсте Дивизиондағы плей-офф кезеңдеріне тұрақты түрде қатысып отырды. 1992 жылы Камбур Эрсте Дивизион чемпионатын жеңіп, Эредивизиге көтерілді, алайда екі маусымнан кейін, 1994 жылы қайтадан төмен түсті. 1998 жылы клуб тағы да Эредивизиге көтерілді, бірақ жоғарғы лигада бар болғаны екі жыл ойнап, 2000 жылы қайтадан түсіп қалды.
2005 жылы "халықтық клуб" қаржылай қиын жағдайға ұшырап, банкроттықтың алдында тұрды. Қайта қалпына келтіру жұмыстары 2006 жылы басталды, ал 2010 жылдан бері клубтың қаржылық жағдайы біршама тұрақтанды.
2009 жылы Камбур Эредивизе клубы Родамен плей-офф кезеңінде кездесіп, пенальти сериясында жеңіліп қалды. 2010 жылы клуб екінші орын алып, тағы да аз ғана ұпаймен жоғарғы лигаға өте алмады. Осы плей-оффтар барысында Камбур ойынын тамашалауға 2 апта ішінде 40 000-нан астам жанкүйер жиналды. Шамамен тағы 7 000 жанкүйер Леуварден қаласының орталығында орнатылған үлкен экраннан соңғы матчты тамашалады. Бұл матчты теледидардан 1,4 миллионнан астам көрермен көріп, Нидерландтағы плей-офф ойыны бойынша жаңа рекорд орнады. Сол жылы Камбур, ПЕК Зволле және Роданың арасындағы плей-офф ойындарын жалпы 4,5 миллионнан астам адам көрді.
Камбур 2012–13 маусымында Эрсте Дивизион чемпионы атанып, 2013–14 маусымына Эредивизеге жолдама алды. Алайда, 2016 жылғы 1 мамырда Камбур ПСВ клубына қонақта 6:2 есебімен жеңіліп, Эрсте Дивизиге қайта түсті.
2019–20 маусымында Эрсте Дивизионда бірінші орында тұрғанына қарамастан, COVID-19 пандемиясына байланысты Камбур 2020–21 маусымына Эредивизеге өте алмады[3].
Камбур 2020–21 маусымында Эрсте Дивизионды жеңіп, Эредивизеге қайта оралды. 2021–22 маусымында Камбур Эредивизеде 9-орын алып, клуб тарихындағы ең үздік нәтижеге қол жеткізді. Алайда 2022–23 маусымы клуб үшін өте сәтсіз өтті: 2023 жылғы 6 мамырда Камбур Утрехтпен сырт алаңдағы ойында 3:0 есебімен жеңіліп, Эрсте Дивизиге қайта түсіп қалды[4].
Жетістіктер
[өңдеу | қайнарын өңдеу]Ұлттық
[өңдеу | қайнарын өңдеу]- Эрсте Дивизи
- Чемпион (3): 1991–92, 2012–13, 2020–21
- Вице-чемпион (3): 1996–97, 1997–98, 2009–10
Дереккөздер
[өңдеу | қайнарын өңдеу]- ↑ SC Cambuur opens up new stadium (ағыл.) (19 August 2024).
- ↑ ECMI Minorities Blog. National and Linguistic Minorities in the Context of Professional Football across Europe: Five Examples from Non-kin State Situations. (ағыл.).
- ↑ AFWIKKELING VOETBALSEIZOEN 2019/'20 EEN FEIT (нид.).
- ↑ SC Cambuur degradeert na twee seizoenen naar de Keuken Kampioen… (нид.) (6 мамыр 2023).