Канканай

Уикипедия — ашық энциклопедиясынан алынған мәлімет
Навигацияға өту Іздеуге өту
Канканай
канканаи, лепанто
Bucassen, Suyoc Chief. (Taken during the 1904 World's Fair).jpg
Бүкіл халықтың саны

240 000

Ең көп таралған аймақтар

 Филиппиндер

Тілдері

канканай тілі

Діні

дәстүрлі наным-сенімдер

Канканай ( өз атауы – канканаи, лепанто)[1]Филиппин аумағында тұратын халық. [2] Олар Лусон аралының таулы аймақтарын мекендейді.[3] Жалпы саны – 240 000 адам.[4]

Тілі[өңдеу | қайнарын өңдеу]

Тілі - канканай тілі. Орталық Канканай тілінде 4 диалекті бар. Жазуы латын әліпбиіне негізделген. Ағылшын, бонток, илокано тілдері де жиі кездеседі.[5]

Діні[өңдеу | қайнарын өңдеу]

Сенушілердің діни сенімдері: дәстүрлі наным-сенімдер.[6]

Кәсібі[өңдеу | қайнарын өңдеу]

Канканайлар суармалы террассалық егіншілікпен (күріш, тәтті картоп, таро, кофе), мал шаруашылығымен (қарабао бұқалары, жылқылар, шошқалар, құстар, иттер), сондай-ақ алтын және басқа да пайдалы қазбаларды өндіру және өңдеу, көрші елдермен саудамен айналысады. Тоқу, тоқыма өнері, ағаш және металл өңдеу дамыған.[7]

Өмір салты[өңдеу | қайнарын өңдеу]

Ауылды көсемдер пен кеңес (тонг-тонг) басқарады. Ауыл тұрғындары бай (бакнанг), орта және кедей (абитуг) болып бөлінеді. Отбасы шағын. Неке билокальды және неолокальды болып табылады. Бұрын бас аулауға байланысты рәсімдер, салт-дәстүр бойынша мүлікті тарату, қыздар үйі, ұлдар үйі сақталған. Бақсылар, құрбандық шалу бар.

Ауылдары ірі болып келеді, шашыраңқы, кварталдарға (ато) бөлінген. Ағаштан немесе бамбуктан, төбесі сабанмен, шөппен немесе жапырақтармен жабылған жер үсті үйлерде тұрады.

Әйелдер мойнына металл немесе қола әшекейлер киеді, ерлер басына лента байлайды. Татуировкасы (негізінен геометриялық әшекейлер) басқа филиппиндіктердің татуировкасынан айтарлықтай ерекшеленеді.[7]

Дереккөздер[өңдеу | қайнарын өңдеу]

  1. Современная энциклопедия - канканаи http://www.terminy.info/literature/modern-encyclopedia/kankanai
  2. Канканаи https://my-dict.ru/dic/sovremennaya-enciklopediya/201116-kankanai/
  3. Значение слова канканай https://xn--b1algemdcsb.xn--p1ai/wd/%D0%BA%D0%B0%D0%BD%D0%BA%D0%B0%D0%BD%D0%B0%D0%B9
  4. Современная энциклопедия КАНКАНАИ https://rus-modern-enc.slovaronline.com/4764-%D0%9A%D0%90%D0%9D%D0%9A%D0%90%D0%9D%D0%90%D0%98
  5. Большая российская энциклопедия https://bigenc.ru/ethnology/text/2041406
  6. Толковый словарь русского языка. https://sanstv.ru/dict/%D0%BA%D0%B0%D0%BD%D0%BA%D0%B0%D0%BD%D0%B0%D0%B8
  7. a b народы мира/Канканаи http://www.etnolog.ru/people.php?id=KNKN