Кано

Уикипедия — ашық энциклопедиясынан алынған мәлімет
Навигацияға өту Іздеуге өту
Кано[1] – Кано әулетінің сарай суретшісі 15 ғасырда құрған жапон кескіндеме өнері мектебі. Мектептің негізін қалаған –Кано Масанобу, одан кейінгі басшысы – Кано Мотонобу. Бастапқы белестегі Кано үшін (15 ғасыр – 16 ғасырдың 1-жартысы) біркелкі түсті (монохромдық) кескіндеменің сәндік дәстүрлері (Оңтүстік Сун дәуірінің қытай кескіндемесінің мұрасын қабылдаған) мен көптүстілік (полихромдық) Тоса мектебімен үйлесімділік тән болады. Ямато-э мектебінің дәстүріне сүйенген Мотонобу, К.Хидзэридің пейзаж жанрындағы, орамадағы, қалқадағы “гүлдер-құстар” суреттері жалпы композицияның шарттылық-сәнділік түсіндірмесі (тегіс айдын, ұқыпты түрде салынған сұлбалар), кейбір мәтіндердің (құстар, ағаш бұтақтары) шындыққа ұқсастығымен ерекшеленеді. Кано мектеп өнерінің өркендеуі Момояма дәуірімен (16 ғасырдың аяғы – 17 ғасырдың басы) байланысты. Кано мектебінің ірі өкілдері: К.Эйтоку, К.Мицунобу, К.Санраку, К.Найдзэн, К.Ёсинобу, К.Танъю, К.Сансэцу, К.Кога, К.Кунио, К.Танрэй, т.б.

Дереккөздер:[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том