Караискакис (стадион)
| Караискакис | |
 | |
| Толық атауы |
Georgios Karaiskakis Stadium |
|---|---|
| Бұрынғы атаулары |
Нео Фалирон велодромы (1895–1964) |
| Орналасуы | |
| Салынған |
1895 |
| Ашылған |
1896 |
| Жаңартылған |
1964, 2004 |
| Құрылыс құны |
€ 60 000 000 |
| Сәулетші |
DECATHLON S.A, Stelios Agiostratitis |
| Иесі |
Hellenic Olympic Committee |
| Басқарушы компания | |
| Сыйымдылығы |
33 334 |
| Команда |
Олимпиакос (1925–1984, 1989–1997, 2004–), Этникос Пирей (1924–2000), Грекия Ұлттық футбол құрамасы (1971–1976, 2004–2009, 2010–2017, 2024–) және Футболдан Грекия әйелдер құрамасы (2008–2017) |
| Алаңның өлшемі |
120×80 м |
Георгиос Караискакис стадионы (Στάδιο Γεώργιος Καραϊσκάκης) — Грекияның Аттика аймағындағы Пирей қаласында орналасқан футбол стадионы. Бұл — Олимпиакос футбол клубының үй стадионы. Стадионға есімі берілген Георгиос Караискакис — Грек тәуелсіздік соғысының ұлттық батыры әрі әскери қолбасшысы, ол осы ауданда ауыр жараланып, қаза тапқан.
33 334 орындық сыйымдылығымен[1][2] бұл стадион тек футболға арналған Грекиядағы ең үлкен стадион және жалпы көлемі бойынша елдегі екінші ірі футбол стадионы.
Тарихы
[өңдеу | қайнарын өңдеу].jpg)
Караискакис стадионы 1896 жылы Афинада өткен жазғы Олимпиада ойындары кезінде Нео Фалирон велодромы ретінде пайдаланылды. Сол жерде француз шабандозы Поль Массон веложарыстың үш алтын медалін жеңіп алды.
1960 жылдары стадионға жөндеу жұмыстары жүргізілді және ол 1970–1971 жылғы Еуропа кубогының жеңімпаздары арасындағы финалдық ойынды қабылдады. Бұл Грекияда өткен алғашқы еуропалық футбол финалы болды. Финалда Челси мен Реал Мадрид кездесті. Алғашқы ойын 1:1 есебімен тең аяқталды, ал екінші ойында Челси 2:1 есебімен жеңіске жетіп, трофейге ие болды.
2004 жылы стадион толығымен бұзылып, қайта салынды. Қайта құрылған жаңа стадионның сыйымдылығы — 32 115 орын, барлық орындар отыруға арналған. Жаңа стадион 2004 жылғы Жазғы Олимпиада ойындарының футбол жарыстары үшін арнайы дайындалды[3].
Стадион бастапқы қалпынан мүлдем өзгеріп, басқа бағытқа қарай салынды. Бұл толық қайта құрылыс жұмыстары небәрі 14 айда аяқталып, Олимпиада ойындарына үлгеріп бітті[4]. Соңғы жалдау келісімшарты 1998 жылы аяқталғаннан кейін, 2003 жылдан бастап 2052 жылға дейін 49 жылдық жалға алу негізінде Олимпиакос клубы стадионды қайтадан үй алаңы ретінде пайдалана бастады. Бұл клуб стадионмен тарихи тұрғыда тығыз байланысты.
2002 жылы Олимпиакос президенті және иесі Сократис Коккалис Караискакис стадионын қайта салу жобасын жариялаған кезде, жаңа стадионды Этникос Пирей клубы да пайдаланса деген тілегін білдірді. Өйткені Караискакис — Этникос ОФПФ, Атромитос Пирей және Олимпиакос СФП клубтарының тарихи алаңы. Сондықтан Грек Олимпиада комитеті, стадион иесі және Олимпиакос арасында жасалған келісімшартта арнайы тармақ енгізіліп, Этникос клубы стадионға қайтып оралғысы келсе, стадионды күтіп ұстау немесе басқа да шығындарды бөліспей-ақ қолдануға құқылы екені көрсетілді.
Соңғы онжылдықтарда Грекия Суперлигасы тарихында Караискакис стадионында сатылған билеттер саны кез келген клубтан жоғары болды (билет сатылымы сирек 5 000-нан төмен түседі), әрі болашақта төмендеуі күтілмейді.
Ұлттық құраманың матчтарына билет сатылымы да жоғары болды, әсіресе 2004 жылғы Еуропа чемпионатындағы жеңісінен кейін. Алайда, 2008 жылғы Еуро турниріндегі сәтсіз өнер көрсетуден кейін жанкүйерлердің ұлттық құрама ойындарына келуі күрт азайып, Спорт министрлігі ұлттық құраманың ойындарын Крит аралындағы Ираклион қаласына ауыстыру туралы шешім қабылдады.
2005 жылдың маусым айында Караискакис стадионында "Ciné Karaiskakis" атты ашық аспан астындағы кинотеатр ұйымдастырылды. Онда ұзындығы 20 метр, ені 10 метр болатын экран қойылып, күн сайын кешкі сағат 21:00-ден 23:00-ге дейін (UTC бойынша 18:00–20:00), ал кейін әр демалыс күндері жұмыс істеді. Сол киноэкранда Бэтмен: Бастама және басқа да фильмдер көрсетілді. Кинотеатр ретінде стадион соңғы рет 2005 жылдың 13 тамызындағы сенбіде жұмыс істеді.
7-қақпа трагедиясы
[өңдеу | қайнарын өңдеу]1981 жылғы 8 ақпанда Олимпиакос пен АЕК Афина клубтары арасындағы (6:0 есебімен аяқталған) ойыннан кейін Караискакис стадионының «7-қақпа» (Θύρα 7) бөлігінде Олимпиакос клубының 21 жанкүйері қаза тапты. Бұл оқиға тарихқа «Караискакис стадионындағы апат» атауымен енді.
Осы қайғылы оқиғаны есте сақтау мақсатында қазіргі «7-қақпа» орналасқан трибунада 21 орын қызыл түстің орнына қара түске боялған — бұл орындар «7» санын бейнелейді. Сондай-ақ стадионның шығыс жағында дәл сол күні қайтыс болған 21 жанкүйердің есімдері жазылған ескерткіш орнатылған.
Дереккөздер
[өңдеу | қайнарын өңдеу]- ↑ Stadium Georgios Karaiskakis (Greek). olympiacos.org.
- ↑ Georgios Karaiskakis stadium.
- ↑ Power-Ranking World Football's 50 Best Stadiums (ағыл.).
- ↑ Gregori International | (ағыл.).
|
Бұл — спорт құрылысы туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |