Каспий технологиялар және инжиниринг университеті
Координаттар: 43°15′09″ с. е. 76°55′36″ ш. б. / 43.25250° с. е. 76.92667° ш. б. (G) (O) (Я)
| Ш.Есенов атындағы Каспий технологиялар және инжиниринг университеті | |
 |
|
| Университет атауы | |
|---|---|
| Халықаралық атауы | Yessenov University |
| Бұрынғы атауы | В.И.Ленин атындағы Қазақ политехникалық институтының жалпытехникалық факультеті В.И.Ленин атындағы Қазақ политехникалық институтының Маңғыстау филиалы Ақтау политехникалық институты Ш.Есенов атындағы Ақтау политехникалық институты Ш.Есенов атындағы Ақтау мемлекеттік университеті |
| Жалпы сипаттамасы | |
| Құрылған жылы | 1976 жыл |
| Түрі | Мемлекеттік университет |
| Орналасуы | |
| Орналасқан жері |  Қазақстан, Ақтау
|
| Мекенжайы | Ақтау қаласы, 32 шағын аудан, 1 |
| Кампус | қалалық |
| Әкімшілік | |
| Ректоры | Берік Бақытжанұлы Ахметов |
| Негізгі көрсеткіштер | |
| Оқытушылар | 350-ден аса [1] |
| Студенттер | 9000-нан аса [2] |
| Бакалавриат | 62 [3] |
| Магистратура | 35 [4] |
| Докторантура | 7 [5] |
| Сайты | www.yu.edu.kz |
өңдеу  |
|
Ш.Есенов атындағы Каспий технологиялар және инжиниринг университеті (КТжИУ) - Ақтау қаласында орналасқан жоғары оқу орны. Университеттің бес факультетінде төрт мыңнан астам студент 22 мамандық бойынша білім алады. Олардың үштен екісі күндізгі бөлімдерде оқиды. Мұнай-химия; инженерлік; тарих-филология; физика-математика; атом-энергетикасы факультеттері жұмыс істейді. Студенттерге Қазақстан ғылым академиясының бес толық мүшесі мен мүше-корреспонденті, 10 профессор, елуден астам ғылыми кандидат, бес жүзге жуық оқытушы дәріс береді. Университеттің бес оқу корпусы, шеберханасы, жатақханасы, оқу залдары мен екі спорт кешені бар.[6]
Тарихы
[өңдеу | қайнарын өңдеу]Қазақ ССР Жоғары және арнайы орта білім министрінің 1976 жылғы 5 наурыздағы бұйрығымен 1976 жылы Шевченко (қазіргі – Ақтау) қаласында В.И. Ленин атындағы Қазақ политехникалық институтының (В.И. Ленин атындағы ҚазПТИ) жалпытехникалық факультеті ретінде университеттің ашылуы. Жалпытехникалық факультеттің алғашқы деканы болып Кеңесбай Табылдыұлы Табылдиев тағайындалды.
1983 жылы жалпытехникалық факультеттің деканы болып Табылдиевтің орнына Есберген Тоқшылықұлы Божанов тағайындалды.
Қазақ КСР Министрлер Кеңесінің 1990 жылғы 18 қыркүйектегі № 384 қаулысымен 1990 жылы жалпытехникалық факультет В.И. Ленин атындағы ҚазПТИ-дің Маңғыстау филиалы ретінде қайта құрылды. Филиалдың алғашқы директоры болып Есберген Тоқшылықұлы Божанов тағайындалды.
Қазақстан Республикасы Министрлер Кабинетінің 1993 жылғы 7 маусымдағы № 472 қаулысымен 1993 жылы В.И. Ленин атындағы ҚазПТИ-дің Маңғыстау филиалы базасында Ақтау политехникалық институтының ашылды. Институттың алғашқы ректоры болып Есберген Тоқшылықұлы Божанов тағайындалды.
Қазақстан Республикасы Министрлер Кабинетінің 1995 жылғы 1 шілдедегі № 767 қаулысымен 1995 жылы Ақтау политехникалық институтына Шаһмардан Есеновтың есімі берілді.
Қазақстан Республикасы Министрлер Кабинетінің 1996 жылғы 7 мамырдағы № 573 қаулысымен 1996 жылы Ақтау политехникалық институты мен Атырау педагогикалық университеті Ақтау филиалының негізінде Ш. Есенов атындағы Ақтау мемлекеттік университетінің құрылды. Университет ректоры болып Есберген Тоқшылықұлы Божанов тағайындалды.
2001 жылы Божановтың орнына университет ректоры болып Әшімжан Сүлейменұлы Ахметов тағайындалды.
2005 жылы Ахметовтың орнына университет ректоры болып Әбдімүтәліп Әбжаппарұлы Әбжаппаров тағайындалды.
Қазақстан Республикасы Үкіметінің 2008 жылғы 26 мамырдағы № 502 қаулысымен 2008 жылы Ш. Есенов атындағы Ақтау мемлекеттік университеті атауы Ш. Есенов атындағы Каспий мемлекеттік технологиялар және инжиниринг университеті болып өзгерді.
2013 жылы университет ректоры болып Әділбек Қожабекұлы Ботабеков тағайындалды.
2018 жылы университет ребрендинг процесінен өтіп, Yessenov University атауын алды. Жаңа атаумен бірге университеттің миссиясы, көзқарасы және құндылықтары анықталды, сондай-ақ стратегиялық мақсаттары белгіленді. Бұл қадам даму бағытын, инновацияларды енгізуді және заманауи әлемнің талаптарына сай мамандар даярлауға бағытталған білім беру ортасын құруды көздеді. Ребрендинг аясында жаңа логотип жасалып, визуалды белгілер мен баспа дизайны жаңартылды.[7]
2018 жылы Маңғыстау облысының әлеуметтік мәселелерін шешуге бағытталған «Қоғамға қызмет» (SERVICE LEARNING) орталығы ашылды.[8]
2019 жылы Қазақстан Республикасының Президенті Қасым-Жомарт Тоқаев Yessenov University жанындағы Теңіз академиясына барды. [9]
2020 жылы университет коммерциялық емес акционерлік қоғам болып қайта құрылды.
2021 жылы Yessenov University Германияның ACQUIN халықаралық агенттігінің институционалдық аккредитациясынан өтті. [10]
2022 жылы университетте Huawei ICT академиясы ашылды. [11]
2022 жылы «Менің мамандығым – менің болашағым» жобасы аясында Форсайт мектебі құрылды. [12]
2023 жылғы 21 маусымда Қазақ-Неміс университеті мен Ш. Есенов атындағы Каспий технологиялар және инжиниринг университеті арасында жаңа Қазақ-Неміс Тұрақты Инжиниринг Институтын (KINI) құру туралы келісімге қол қойылды және оның ресми ашылуы өтті. [13]
2023 жылы Германия Президенті Франк-Вальтер Штайнмайер мен Қазақстан Республикасының Премьер-Министрі Әлихан Смайылов Қазақ-Неміс Тұрақты Инжиниринг Институтының құрылысы аясында уақыт капсуласын салды. [14]
2023 жылы Қазақстан Республикасы университеттері студенттері арасында XII Жазғы Универсиада өтті. [15]
2024 жылы Yessenov University жанында Студенттік парк, Спорт стадионы және Технопарк ашылды. [16] Бұл нысандар студенттердің оқу және спорттық өміріне белсенді қатысуын қолдауға, сондай-ақ ғылыми зерттеулер мен стартаптарды дамытуға мүмкіндік беретін заманауи инфрақұрылымның қалыптасуына ықпал етеді.
Факультеттері
[өңдеу | қайнарын өңдеу]- Туризм және тілдер факультеті
- Бизнес және құқық факультеті
- Инжиниринг факультеті
- Білім беру факультеті
- Ғылым және технологиялар факультеті
- Теңіз академиясы
- Әскери кафедра
Yessenov University жанында Қазақ-неміс тұрақты инженерия институты (KINI) жұмыс істейді.
Қоғамдық ұйымдары
[өңдеу | қайнарын өңдеу]- Кәсіподақ комитеті
- «Қазақстан халқы ассамблеясы» кафедрасы
- Cтуденттік парламент UNION
Ректорлары
[өңдеу | қайнарын өңдеу]- 1976-1983 - Кеңесбай Табылдыұлы Табылдиев
- 1983-2001 - Есберген Тоқшылықұлы Божанов
- 2001-2005 - Әшімхан Сүлейменұлы Ахметов
- 2005-2013 - Әбдімүтәліп Әбжаппарұлы Әбжаппаров
- 2013-2017 - Әділбек Қожабекұлы Ботабеков
- 2017 жылдан бастап - Берік Бақытжанұлы Ахметов
Дереккөздер
[өңдеу | қайнарын өңдеу]- ↑ Факты о Yessenov University // yu.edu.kz. Источник
- ↑ Факты о Yessenov University // yu.edu.kz. Источник
- ↑ Факты о Yessenov University // yu.edu.kz. Источник
- ↑ Факты о Yessenov University // yu.edu.kz. Источник
- ↑ Факты о Yessenov University // yu.edu.kz. Источник
- ↑ Маңғыстау энциклопедиясы, Алматы, 1997;
- ↑ Ляззат Туркестанова. Лучшие специалисты получаются из лучших учеников (рус.) // Білімді Ел : газета. — 2022. Сайт газеты
- ↑ Центр «Служение обществу» (рус.) // yu.edu.kz. — 2020. Сайт университета
- ↑ Касым-Жомарт Токаев прилетел в Актау // Tengri News. — Апрель 2019. Источник
- ↑ Сертификат временной аккредитации Yessenov University // ACQUIN. — 2021. PDF-документ
- ↑ В Yessenov University работает Huawei ICT Academy // gov.kz. — Август 2023. Источник
- ↑ Проект «Мамандығым – Болашағым» запускается в Мангистауской области // Білімді Ел. — Сентябрь 2022. Источник
- ↑ В Актау открылся Казахстанско-Немецкий институт устойчивой инженерии // gov.kz. — Июнь 2023. Источник
- ↑ Президент Германии и Премьер-Министр Казахстана заложили капсулу времени в Актау // Официальный информационный ресурс Премьер-министра Республики Казахстан. — Июнь 2023. Источник
- ↑ В Актау проходит Летняя Универсиада // TengriNews. — Май 2023. Источник
- ↑ В Мангистау открыли новый технопарк развития IT-индустрии // Sputnik.kz. — Декабрь 2024. Источник
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |