Каталаун Қырғыны

Каталаун қырғыны – 451 жылы маусымның екінші жартысында Францияның солтүстік- шығысындағы Каталаупума (қазіргі Шалон-сюр-Марн) қаласы тұрған жазықтықта – Каталаун даласында болған Рим империясы мен Батыс ғұндар империясы арасындағы шайқас. Қазіргі Труа қаласының батысында өтіп, “халықтар шайқасы” деген атпен тарихта қалған римдіктер мен ғұндар әскерлерінің осы ірі қақтығысында екі жақтан 165 мыңдай жауынгер майдан даласында мерт болды. Римдіктер мен олардың одақтастары – вестготтар, бургундтар, франктер, аландар, тағы басқа тайпалар қосындарын қолбасшы Аэци мен оның баласы Торнэмед басқарды. Аттила бастаған ғұн әскерлері құрамында олардың одақтастары – отсготтар, гипиттер, тағы басқа тайпалар жауынгерлері шайқасты. Римдіктер ешқашан жеңіліп көрмеген Аттила әскеріне Каталаун қырғынында қатты қарсылық көрсетіп, оның Галлияға одан әрі шабуылын тоқтатты. Дегенмен, Каталаун қырғынынан кейін де Ғұн ордасы күшейіп, Трир қаласын алады, 452 жылы Солтүстік Италияға басып кіреді.