Катулар

Катулар
мой, тхонг, фыонг
Ең көп таралған аймақтар
Вьетнам	62 000
Лаос	30 000
Тілдері
кату тілі
Діні
анимизмді, тотемизм

Катулар (өз атауы; мой, тхонг, фыонг) — Вьетнамдағы таулы кхмер тобының халқы (Куангнам-Дананг және Биньчитхьен провинциялары). Жалпы саны 2014 жылы Вьетнамда 62 000, Лаоста 30 000 (барлығы 92 000) адам болды.

Тілі

Олар кату тілінде сөйлейді. Вьетнам және лаос тілдері де кеңінен таралған.

Діні

Катулар негізінен дәстүрлі наным-сенімдерді – анимизмді, тотемизмді ұстанады.

Кәсібі

Дәстүрлі кәсіптері - қолмен атқарылатыг егіншілік (күріш, маниок, жүгері), аңшылық. Қолөнерден – тоқымашылық, керамика, өріп тоқу дамыған.

Лаостық кату

Өмір салты

Отбасы шағын. Неке патрилокалды.

Елді мекендер сақина тәрізді биік бөренелермен қоршалған. Ортасында ою-өрнектермен безендірілген қоғамдық үй (гыол) орналасқан. Тұрғын үйлері шөппен немесе сабанмен жабылған сопақ шатырлы, қадаларда орналасқан.

Дәстүрлі киімдері - ерлерде, жамбасты жауып тұратын орама мата, әйелдерде, белдемше (тізеге дейін) және көкірекше, екеуінде де шөптен немесе бамбуктан жасалған баскиім. Зергерлік бұйымдардың көптігімен, үстіңгі алдыңғы тістерді егеу әдет-ғұрыптарымен, бет пен дененің татуировкасымен сипатталады.

Тағамдарының негізі - кептірілген және маринадталған көкөністермен танымал. Сыра қант қамысы, маниок, күріштен жасалады.