Кафала

Кафала (арабша Ө–џ) – мұсылмандық құқықтағы кепілдік түрлерінің бірі, қарыз алушы қарыз берушіден қашып кеткен жағдайда оны алып келуді өз міндетіне алу.

Екі түрлі себеппен

а) қарыз алушыға жаны ашығандықтан;

ә) қарыз алушының өтініші бойынша беріледі.

Қағидасы бойынша:

1. қарыз беруші мен кафала берушінің келісімі болуы шарт;
2. қарыз беруші екі адамның бірін таңдап, соның кепілдігін қанағат тұтады;
3. қарыз алушы қарыз берушінің келісімімен өз міндеттемесін басқа біреуге бере алады;
4. егер қарыз алушы қарызын дер кезінде төлемесе, ал кафала беруші қарызды қайтару мерзімі өткен соң ол үшін жауап беремін деген болса, онда кафала беруші қарызды өз мүлкінен төлейді. Кафала келісімі куәлар көзінше ауызекі жасалады. Кафала міндеттемесі қарыз өтелген бойда тоқтатылады, сондай-ақ, қарыз алушы мен кафала берушінің біреуі өліп қалған жағдайда да кафала тоқтатылады.