Кванттық электроника

Уикипедия — ашық энциклопедиясынан алынған мәлімет
Навигацияға өту Іздеуге өту

Кванттық электроникафизиканың еріксіз сәуле шығаруға негізделген электрмагниттік тербелістер мен толқындарды күшейту және өндіру (қоздыру) тәсілін, сондай-ақ кванттық күшейткіштер мен генераторлардың қасиеттерін, оларды пайдалануды зерттейтін саласы.

Республикада кванттық электроника бойынша зерттеулер 1963 жылдан ҚазМУ-да (қазіргі ҚазҰУ) жүргізіле бастады. Еріксіз комбинациялық шашырауды пайдалана отырып, сыртқы дабылды күшейту проблемасы және комбинациялық лазердегі көлденең модаларды синхрондау тәсілдері қарастырылды, иондалу алдындағы ультракүлгін молекулалық лазерлер құрастырылды (Б.А.Ақанаев).

Жоғары энергия физикасы институты (қазіргі Физика-техника институты) мен ядролық физика институтында молекулалық және эксимерлік лазерлер жөнінде зерттеулер жүргізілуде.[1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Электроника, радиотехника және байланыс. — Алматы: «Мектеп» баспасы, 2007 ISBN 9965-36-448-6