Кварцтану

Кварцтану — таужыныстардың қосалқы процестер нәтижесінде кварцпен молығу процесі; метасоматоз процесі арқылы өзге құрамды таужыныстардың жаппай кварцты (кремнийлі) таужынысқа айналуымен қатар, таужыныстарда ұшырасатын жарықтар мен қуыстардың кварцпен (халцедонмен) дәнекерленуі де біршама жиі болатын құбылыс.

Кварцты шыны

Түгелге жуық кремнеземнен тұратын жасанды шыны; әр түрлі қоспаларды өте аз мөлшерде (бір пайыздың жүзден бірі мөлшерінде) кіріктіретін кварц кесектерін немесе өте таза кварцты кұмдарды балқыту нәтижесінде алынады; Кварцты шынылар механикалық тұрғыдан мейлінше берік, температура мен химиялық әсерлерге барынша төзімді; өте мөлдір түрлері жоғары бағаланады.