Келісімшарттық санкциялар

Келісімшарттық санкциялар – азаматтық құқық бойынша заңда және келісімшартта көзделген мүліктік ықпал ету шаралары, олар жасалған келісімшарттардың тиісінше орындалуын қамтамасыз етуге тиіс. Келісімшарттық санкциялардың негізгі түрлері – келтірілген залалды өтеу және айыппұл немесе өсімпұл нысанында тұрақсыздық айыбын төлеу. Келісімшарттық санкцияларға, сондай-ақ, сатып алушының жеткізілген өнімнің кемшіліктерін жеткізуші есебінен өз күшімен жою құқығы, төлем талабын акцептеуден толық және ішінара бас тарту, жеткізілген өнім қабылданғаннан кейін сапасына қарай ақысын төлеу, тасымал төлемі төленгенше тасымалдаушының жүкті кідірту құқығы, тиісінше орындалмаған нәрсені қабылдаудан бас тарту, контрагент жасалған шарт талаптарын елеулі түрде бұзған жағдайда одан бас тарту сияқты түзелмейтін контрагенттерге ықпал ету шараларын қолдануға негізделген шұғыл санкциялар да жатады. Келісімшарт жасасу кезінде тараптар онда өздерінің келісімшарттық қарым-қатынастарының ерекшеліктерін көрсететін басқа да келісімшарттық санкцияларды қарастыруы мүмкін.