Кендо, кунг-фу

Кендо, кунг-фу, шеберлікке жол, жекпе-жектерінің байырғы түрлерінің бірі. Адамзат баласы о бастан, тамақ үшін, жайлы орын үшін бір-бірлерімен төбелесе бастады. Осыдан бастап жекпе-жек түрлері пайда болды. Оның әдіс-айлалары дами келе жүйеленді, дараланды. Әр тайпа, әр халық басқаларға үстем болғысы келеді. Сондықтан олар төбелесудің, басқаларды жеңудің жолдарын үйренеді. Осылайша жекпе-жек түрлері пайда болды. Жаңа эраның 527 жылы Бодхидхарма есімді үндіс Қытайға келіп Хэнань аймағындағы Шаолинь шіркеуге орналасады. Оның мақсаты Будда дінін насихаттау болатын. Ол өзімен бірге тек дінді ғана емес дене жаттығуларын да ала келеді. Осы тұстан бастап Қытайда Кунг-фу тарай бастады. Кейін оның жаттығуларымен император сарайы маңындағы шенеуніктер де айналысты. Себебі, оны білмеген адамдар билеушінің маңына жақындай алмайтын. Тіпті император әскерінің сапында қызмет жасаймын деп дәмеленушілер одан арнайы емтихан да тапсыратын. Емтихан үстінде олар отқа шабудан, әртүрлі қару-жаракты қалай пайдалана алатынын, тіпті салмақ көтеріп күш өнерін де көрсететін, әскери-қолданбалы ғылым саласынан ауызша әңгіме айтатын. Біртін келе XIX ғасырда кунг-фу жекпе-жектің бір түрі ретінде қалыптасты.