Кендірше

Уикипедия — ашық энциклопедиясынан алынған мәлімет
Jump to navigation Jump to search

Кендірше(Thesium) – санталдар тұқымдасына жататын көп жылдық, сирек бір жылдық шөптесін өсімдіктер туысы. Қоңыржай, субтропиктік және тропиктік аймақтарда кең тараған. 325-тей түрі белгілі. Қазақстанда аласа таулы аймақтың далалық және тасты беткейлерінде өсетін 8 түрі кездеседі. Соның ішінде өте сирек кездесетін 1 түрі – Минквиц кендіршесі (Thesium minkwitzianum) бар. Оның биіктігі 30 см-дей. Өте көп жалаңаш, қыртысты сабақтары болады. Жапырақтары жалпақ қандауыр тәрізді, етті. Гүлдері сары түсті, 3 жалпақ қандауыр тәрізді гүлжапырақтардан тұрады, гүлсерігі қалампырға ұқсас. Тұқымынан көбейеді. Мамыр айында гүлдеп, жемістенеді. Жемісі – эллипс тәрізді жаңғақша. Минквиц кендіршесі – Талас Алатауының эндемигі, таралу аймағы жылдан-жылға азайып бара жатқандықтан қорғауға алынып, Қазақстанның «Қызыл кітабына» енгізілген.[1]

Дереккөздер[өңдеу]

  1. Қазақ Энциклопедиясы