Кенере

Уикипедия — ашық энциклопедиясынан алынған мәлімет
Навигацияға өту Іздеуге өту

Кенере – үй қабырғасының шатырмен жанасар жеріндегі біршама шығыңқы үстіңгі шеті. Кенере әуелде қабырғаны шатырдан аққан жаңбыр, қар суынан қорғау үшін жасалған. Қазіргі кезде, негізінен, үй қасбетіне архитектуралық сән беру қызметін атқарады. Қабырғадан 300 мм-дей шығып тұратын кенерені бірінен-бірін сәл асыра қалайды. Бұдан гөрі шығыңқы кенерені бетоннан, керамикалық қуыс блоктардан жасайды. Бұлар зауыттарда алдын ала дайындалатындықтан, құрылыстағы жұмыс жеңілдейді, әрі әдемі етіп жасауға мүмкіндік бар. Өрт қаупінен аулақ болу үшін көп қабатты үйлерге ағаш кенере жасалмайды, ал керамикалық блоктар қымбат, сондықтан көбінесе, кенере темір-бетоннан жасалып жүр. Қшкі кенерені бөлме ішіне көрік берерліктей етіп әк-алебастр сылақпен әрлеп жасайды.[1]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том