Кенигсбергті алғаны үшін медалі
| «Кёнигсбергті алғаны үшін» медалі | |
|---|---|
| Capture of Koenigsberg OBVERSE.jpg | |
| Шынайы атауы | Медаль «За взятие Кёнигсберга» |
| Мемлекет |  КСРО
|
| Түрі | Медаль |
| үшін марапатталады | Калининград қаласындағы шайқастарға қатысқаны үшін |
| Жағдайы | берілмейді |
| Алғашқы иегері | 9 маусым 1945 |
| Жоғары марапаты | «Будапештті алғаны үшін» медалі |
| Төменгі марапаты | «Венаны алғаны үшін» медалі |
«Кёнигсбергті алғаны үшін» медалі — 1945 жылғы 9 маусымда КСРО Жоғарғы Кеңесі Президиумының Жарлығымен тағайындалды. Медаль жобасының авторы — суретші А. И. Кузнецов.[1]
Медаль туралы ереже
[өңдеу | қайнарын өңдеу]«Кёнигсбергті алғаны үшін» медалімен Қызыл Армияның, Әскери-Теңіз Флотының және НКВД әскерлерінің әскери қызметшілері — 1945 жылғы 23 қаңтар мен 10 сәуір аралығында қала-қамал Кёнигсбергті ерлікпен шабуылдап алуына тікелей қатысқандар, сондай-ақ осы қаланы алу кезіндегі жауынгерлік операцияларды ұйымдастырған және басқарған тұлғалар марапатталды.
«Кёнигсбергті алғаны үшін» — астананы алу немесе азат етуге байланысты емес, қала-қамалды алғаны үшін тағайындалған КСРО-дағы жалғыз медаль.
«Кёнигсбергті алғаны үшін» медалі кеуденің сол жағына тағылады және КСРО-ның басқа медальдары болған жағдайда «Будапештті алғаны үшін» медалінен кейін орналастырылады.
1987 жылғы дерек бойынша «Кёнигсбергті алғаны үшін» медалімен шамамен 760 000 адам марапатталған.
Медальдің сипаттамасы
[өңдеу | қайнарын өңдеу]«Кёнигсбергті алғаны үшін» медалі жезден жасалған және диаметрі 32 мм болатын дұрыс дөңгелек пішінді.
Медальдің алдыңғы бетінде: ортасында «ЗА ВЗЯТИЕ КЕНИГСБЕРГА» деген жазу, жазудың үстіңгі жағында — сәулелері таралған бесбұрышты жұлдызша, төменгі жағында — лавр бұтағы бейнеленген. Алдыңғы беті жиекпен қоршалған.
Медальдің артқы бетінде Кёнигсбергтің алынған күні — «10 апреля 1945» деген жазу бар, күннің үстінде — бесбұрышты жұлдызша орналасқан.
Медальдағы барлық жазулар мен бейнелер бедерлі (шығыңқы).
Медаль құлақша мен сақина арқылы ені 24 мм болатын жібек муар лентамен қапталған бесбұрышты тағанға бекітіледі. Лента кезектесіп орналасқан бес жолақтан тұрады: үшеуі қара, екеуі жасыл. Лентаның шеттері жіңішке жасыл жолақтармен көмкерілген.
Дереккөздер
[өңдеу | қайнарын өңдеу]- ↑ Соғысты-тарихи журнал, 205 б., Шуняков.