Кентербери

Уикипедия — ашық энциклопедиясынан алынған мәлімет
Jump to navigation Jump to search

Кентербери (ағылш. Canterbury) — Англияның оңтүстік-шығысындағы Кент графтығында, Стаур өзенінің жағасында орналасқан ежелгі қала. Халқының саны - 43,4 мың (2001).

Тарихы[өңдеу]

Шіркеуге кіретін Крайст-Чёрч қақпасы

Рим императоры Клавдий б.з. 43 жылы Британияны жаулап алу жорықтары кезінде кельттік елді мекеннің орнына Дуровернум Кантиакорум деген римдік қала тұрғызды. Бұл қала арқылы Дуврдан Лондонға қарай жол салынды, бұл жол бүгінде Уотлинг-стрит деген атпен белгілі. VI ғасырда Кентербери Кент патшасы Этельберт пен оның жұбайы Бертаның резиденциясына айналды. I Григорий папа Кентербериге Августин есімді миссионерді жіберді. Берта патшайым Августинді құшақ жая қарсы алды. Августин король сарайында әулие Августин аббаттығының негізін қалап, кейінірек Кентербери шіркеуін салды. Кентербери қаласы аумағынан неолит, қола дәуіріне жататын көптеген құрал-саймандар мен қару-жарақтар табылды. Рим басқыншылығы кезінде Кентерберидің айналасы тас дуалдармен қоршалды.

Кентербери шіркеуі[өңдеу]

Canterbury Cathedral - Portal Nave Cross-spire.jpeg

Кентербери шіркеуінің ішінде білім беретін монастырь, сопылыққа бет бұрған адамдарға арнап салынған тұтас қалашық бар. Кентербери шіркеуі 1174 жылы өрттен едәуір зақымдалып, тек 11 жыл өткен соң қайта жөнделді. Нысан ЮНЕСКО-ның Бүкіләлемдік мұралар тізіміне еніп, қорғауға алынған. Кентербери шіркеуі Кент корольдігінің, кейінірек Англияның басты ғибадатханасына айналды. Орта ғасырларда Кентербери Англияның басты діни орталығы болып қалды. Кентербери шіркеуі - Англиядағы ең ескі және ең әйгілі құрылыстардың бірі. Кентербери шіркеуі Англия христиан одағының негізгі орталығы болып табылады. Қала атауы «Кент дыбысы» деп аталатын музыкалық жанрға орай қойылған.[1]

Дереккөздер[өңдеу]

  1. Алматы: “Аруна” баспасы. 208 бет. Сер.:“1100 қызықты дерек”