Кентөбе темір кен орны

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Кентөбе темір кен орны, Қарқаралы ауданында орналасқан. 19 ғасырдың соңынан бастап белгілі. 1924 жылы М.П.Русаков алғашқы геологиялық барлау жұмыстарын жүргізді, 1947-1980 жылдары арасына үзіліс салып егжей-тегжей барлау жасады. Қоры үш рет (1953, 1967, 1980) айқындалды. 1983 жылдан кен қазыла бастады. Рудасы Қарағанды металлургия комбинатына жөнелтіледі. Фамен көмірлі-кремнийлі тақтатастарынан түзілген Кентөбе жыныстарынан және турнейсинклиналының оңтүстік қанатына ұштасады. Линза және пласт түріндегі кен қабаттары ендік бағытына жақын жатқан құлама шор тасты бөлікте орналасқан. Созылымы бойынша ұзындығы 500-1000 м, құлау бағыты бойынша 120-730 м, қалындығы 4-31 м 4 кен қабаты айқындалған. Бастапқы рудалары мартиттен, ілеспе пирротин мен пириттен, тотыққан рудалары ілеспе мартиттен (19 м тереңдікке дейін) тұрады. Бастапқы рудаларында 20-67% (орта есеппен 46,5%) темір болады. Кен қоспалары: күкірт (1,58%), фосфор, қорғасын, мырыш, мыс, мышьяк алынады. Кені жеңіл байытылады.[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5