Кентөбе – Тоғай темір кендерінің тобы
Кентөбе-Тоғай темір кендерінің тобы – Қарағанды облысы Қарқаралы қаласынан шығысқа қарай 46 км жерде орналасқан кен орындары (Кентөбе, Тоғай-І, Тоғай-ІІ). Ең ірісі-Кентөбе кені. Жалпы кен қоры 100 млн. т-дан астам. Кенді әуелі ашық, кейін жер асты әдісімен өндіру тиімді. Кен құрғақ магниттік бөлу жолымен байытылады. Өндірілген кен Қарағанды металлургия комбинатының шикізаты болып табылады.
Геологиялық құрылымы[өңдеу | қайнарын өңдеу]
Кентөбе-Тоғай темір кендерінің тобыжанартаулық-шөгінді жыныстары мен гранодиорит интрузивтерінің жапсарындағы түрлі құрамды скарнды жыныстарда орналасқан. Екі телімнен (негізгі және шығыс) тұратын Кентөбе кенінде қалыңдығы 10 – 80 м, ұзындығы 2,6 км-ге жететін 6 кен денесі бар.
Минералдары[өңдеу | қайнарын өңдеу]
Кен құрайтын негізгі минерал-магнетит, сондай-ақ пирротин, пирит, халькопирит, арсенопирит, галенит кездеседі. [1]
Дереккөздер[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |