Кен орындарды геологиялық - экономикалық бағалау

Кен орындарды геологиялық-экономикалық бағалау - Кенорынды оның геологиялық және тау-кен технологиялық ерекшеліктеріне, пайдалы қазбалардың өнеркәсіптік құндылығына, өндірілген минералдық шикізатты пайдаланудың ықтимал экономикалық тиімділігіне жан-жақты баға беру. Кен орындарды геологиялық-экономикалық бағалау жүргізілген геологиялық барлау нәтижелеріне негізделеді, сөйтіп ол кен орынның геологиялық ерекшеліктерін, тау-кен технологияларының талаптарын, жер қойнауын пайдалануды және қоршаған ортаны қорғау шараларын тиімді де ұтымды пайдалануды қамтамасыз ететін талаптарды ескеретін мардымдылық (кондиция) мәселесін нақтылау негізінде қорларды есептеу барысында қорытындыланады. Бағалаудың экономикалық жағы қор есебінің нәтижелеріне негізделеді және ол кен орынды пайдалануға және өнеркәсіптік кешенді тұрғызуға жұмсалған күрделі қаржының тиімділігін де ескереді.