Кен сапашегі

Кен сапашегі – жер қойнауындағы кен байлықтарының саны мен сапасына қойылатын талаптардың жиынтығы. Ол кен орындарының өнеркәсіптік құндылығын кен орнын қазудың кен геологиясы, т.б. жағдайларын анықтайды. Кен сапашегі – негізгі және қосымша алынатын бағалы құрамдас бөліктердің қорын есептеуге қажетті параметрлерді белгілейді. Кен сапашегі әрбір кен орны бойынша жеке тағайындалады. Кен сапашегі алдын ала барлау нәтижесінде уақытша, ал егжей-тегжейлі барлау нәтижесінде және кен орнын қазу барысында тұрақты белгіленеді. Кен сапашегін дәйектеу барысында кен орнында техникалық-экономикалық бағалау жүргізіледі, яғни таяу және ұзақ мерзімдік болашақта кен байлықты пайдалану нәтижесіндегі тиімділігі анықталады. Кен орнын экономикалық бағалаудың негізгі көрсеткіші ретінде нақты шикізат минералынан алынған соңғы өнімнің құндылығы мен оны алуға жұмсалған қаржының ақшадай айырмасы қолданылады.