Кепелеу

Кепелеу. Түсіндірме сөздікте белгілі бір заттың үйіліп жатуын осылай атайтындығы көрсетілген де, «диалектизм» деп белгі соғылған. «Саздан, торталар қабыршықтанып, қақталып кепеленіп жатты» (Ғ. Сланов, Дөң асқан). «Кепелеу» сөзін диалектизм деп қарау күмән туғызады. Өйткені оның Қазақстанда жайылу аумағын шектеп көрсету қиын және кез келген қазақ түсінетін сөз. «Кепелеп ішіп...» сияқты тұрақты тіркесте де кездеседі. Біз көрсетіп отырған мағынасы ұқсатудан пайда болғандығы аңғарылады. Оның алғашқы мағынасы ноғай тіліндегі «кепелей» тұлғасынан керінеді. Оларда бұл тұлғадағы сөз қазақы қойдың құйрығы мағанасында қолданылады (Ног.-рус. сл., 1963, 161).