Кераргирит
Кераргирит, хлораргирит – галогенидтер класының минералы. Химиялық формуласы – AgCl. Құрамында Hg, Br қоспалары болады. Кубтық сингонияда кристалданады. Қаттылығы 2,5; меншікті салмағы 5,6 г/см3; майысқақ, пышақпен кесіледі; түссіз, сұр, қоңырлау, жарықтан түсін өзгертеді. Кераргирит күміс, қорғасын кендерінің тотығу белдемдерінде түзіледі. Кераргириттен күміс алынады.[1]
Қаттылығы 1,5—2, меншікті салмағы 5,55, жымдастығы жоқ .
Түсі: алғашқы сынған жері түссіз мөлдір, аздан соң сарғылт, көгілдір, кейде қоңырқайлау болады, көбірек уақыт тұрса қараяды (бетіне күміс бөлініп шығады). Кристалл формасында алмазша жылтырайды. Ол майда түрінде балауыз сияқты. Суға ерімейді.
Оптикалық изотроп, N = 2,07.
Сингониясы куб; гексаоктаэдр формасында. Кристалдық ішкі құрылысы галитке ұқсас. Кристалл түрі куб, бірақ ол сирек кездеседі, көбінесе тұнба іркінді түрінде болады.
- Жаратылысы. Кераргирит күмісі бар кендердің тотығатын бетінде, қ ұрғақ климатта кеп кездеседі. Кераргирит күміс айырып алу үшін қолданылады.
- Кендері КСРО-да Оңтүстік Уралда (Баймак ауданы), Қазақстан мен Алтайда бар.
Шет елдердегі кені Атакамада (Чили), Боливияда, Мексикада, Австралияда бар.[2]
Дереккөздер[өңдеу | қайнарын өңдеу]
- ↑ Қазақ Энциклопедиясы
- ↑ Кристаллография, минералогия, петрография. Бұл кітап Абай атындағы Қазақтың мемлекеттік педагогты институтының, география факультетінде оқылған лекциялардың негізінде жазылды, 1990. ISBN 2—9—3 254—69
 | Бұл мақаланы Уикипедия сапа талаптарына лайықты болуы үшін уикилендіру қажет. |