Кеңес Әскері мен Флотына 30 жыл мерейтойлық медалі
| «Кеңес Әскері мен Флотына 30 жыл» мерейтойлық медалі | |
|---|---|
  | |
| Шынайы атауы | орыс. Юбилейная медаль «30 лет Советской Армии и Флота» |
| Мемлекет |  КСРО |
| Жағдайы | берілмейді |
| Негізделді | 22 ақпан 1948 жыл |
| Барынша ұсынылған | шамамен 3 710 920 |
| Жоғары марапаты | «Жұмысшы-Шаруа Қызыл Әскеріне ХХ жыл» мерейтойлық медалі |
| Төменгі марапаты | «КСРО Қарулы күштеріне 40 жыл» мерейтойлық медалі |
| Jubilee Medal "30 Years of the Soviet Army and Navy" Ортаққорда | |
«Кеңес Әскері мен Флотына 30 жыл» мерейтойлық медалі (орыс. Юбилейная медаль «30 лет Советской Армии и Флота») — Кеңес Әскері мен Әскери-теңіз күштерінің 30 жылдығын атап өту үшін КСРО Жоғарғы Кеңесі Төралқасының 1948 жылғы 22 ақпандағы Жарлығымен белгіленді. Медалдың бейнесін — суретші Н. И. Москалов жасаған.
Медал жайлы ереже
[өңдеу | дереккөзін өңдеу]«Кеңес Әскері мен Әскери-теңіз күштерінің 30 жылдығы» мерейтойлық медалі 1948 жылдың 23 ақпанында КСРО Қарулы Күштерінің, ІІМ және МҚМ қатарында болған барлық генералдарға, адмиралдарға, офицерлерге, старшиналарға, сержанттарға, сарбаздарға және матростарға беріледі.
«Кеңес Армиясы мен Әскери-теңіз күштерінің 30 жылдығы» мерейтойлық медалі кеуденің сол жағына тағады, ал басқа КСРО медальдары болған жағдайда «Жұмысшы-Шаруа Қызыл Әскеріне ХХ жыл» мерейтойлық медалінен кейін орналастырылады.
1995 жылдың 1 қаңтарындағы жағдай бойынша шамамен 3 710 920 адам «Кеңес Әскері мен Әскери-теңіз күштеріне 30 жыл» мерейтойлық медалімен марапатталды.
Марапаттау рәсімдерінің соңғысы 2021 жылдың 31 тамызында Санкт-Петербургте өтті[1].
Медалдің сипаттамасы
[өңдеу | дереккөзін өңдеу]«Кеңес Әскері мен Әскери-теңіз күштерінің 30 жылдығы» мерейтойлық медалі жезден жасалып, диаметрі 32 мм шеңбер пішінге ие.
Медалдың бет жағында — В. И. Ленин мен И. В. Сталиннің кеудесіне дейінгі бейінді бейнесі суреттелген. Медалдың төменгі жағында — «XXX» деген бедерлі жазу жазылған.
Медалдың артқы жағында - айнала бойлай: «ОТЫЗ ЖЫЛДЫҚ МЕРЕЙТОЙЫНА» (орыс. «В ОЗНАМЕНОВАНИЕ ТРИДЦАТОЙ ГОДОВЩИНЫ»), ортасында: «КЕҢЕС ӘСКЕРІ МЕН ӘСКЕР-ТЕҢІЗ ФЛОТЫ» (орыс. «СОВЕТСКОЙ АРМИИ И ФЛОТА») деген жазу және «1918-1948» деген жылдар жазылған.
Медалдың шеттері ернеумен жиектелген. Медалдағы барлық бейнелер мен жазулар шығыңқы келеді.
Медаль құлақша мен шығыршық арқылы ені 24 мм болатын сұр түсті жібек қатқыл таспамен тысталған бесбұрышты тағанға біріктіріледі. Таспаның ортасында ені 8 мм кең қызыл жолақ, таспаның шеттерінде ені 2 мм жіңішке қызыл жолақтар бар.
Суреттемесі
[өңдеу | дереккөзін өңдеу]
Медалдің артқы жағы
Медалдің куәлігі
Әдебиет
[өңдеу | дереккөзін өңдеу]- Володин А. Н., Мерлай Н. М. Медали СССР — СПб: Печатный двор, 1997. — Б. 194—195. — ISBN 5-7062-0111-0
- Колесников Г. А., Рожков А. М. Ордена и медали СССР — Минск: Народная асвета, 1986. — Б. 94
Дереккөздер
[өңдеу | дереккөзін өңдеу]- ↑ Спустя 73 года награда нашла Героя. Муниципальный округ МОРСКОЙ. Официальный сайт внутригородского муниципального образования города федерального значения Санкт-Петербурга. (31 тамыз 2021). Тексерілді, 10 мамыр 2026.