Кеңес (Байзақ ауданы)

Уикипедия — ашық энциклопедиясынан алынған мәлімет
Jump to navigation Jump to search
Ауыл
Кеңес
Әкімшілігі
Ел

 Қазақстан

Статусы

Ауылдық округ орталығы

Облысы

Жамбыл

Ауданы

Байзақ

Ауылдық округ

Көптерек

Тарихы мен географиясы
Координаттары

43°13′23″ с. е. 71°22′16″ ш. б. / 43.22306° с. е. 71.37111° ш. б. / 43.22306; 71.37111 (G) (O) (Я)Координаттар: 43°13′23″ с. е. 71°22′16″ ш. б. / 43.22306° с. е. 71.37111° ш. б. / 43.22306; 71.37111 (G) (O) (Я)

Құрылған уақыты

1950

Бұрынғы атаулары

Қарабақыр

Уақыт белдеуі

UTC+6:00

Тұрғындары
Тұрғыны

2276 адам (2009)

Сандық идентификаторлары
Телефон коды

+7 72637

Автомобиль коды

08

Кеңес картада
Кеңес
Кеңес
Кеңес картада
Кеңес
Кеңес

КеңесЖамбыл облысы Байзақ ауданындағы ауыл, Көптерек ауылдық округі орталығы.

Географиялық орны[өңдеу]

Аудан орталығы – Сарыкемер ауылынан солтүстік-батысқа қарай 25 км-дей жерде, Талас өзені тармақтарының бірінің жағалауында, баялыш, күйреуік ақ жусан басым өскен бозғылт сұр топырақты шөлейт белдемде орналасқан.[1]

Халқы[өңдеу]

Тұрғыны 2276 адам (2009).

Тарихы[өңдеу]

Кеңес ауылы 1950 жылы - сол жердегі кішігірім Құмбел, Қарақұм, Үштөбе және Кеңес атты төрт ауыл біріктіріліп, қой өсіру ұжымшарының орталығына айналдырылды. Олар ауылдағы "Қарабақыр" деген өзеннің батысына қоныстанады. "Қарабақыр" деген атау ХІХ ғасырдың аяғында өмір сүрген "Қарабақыр" болысының атымен байланысты қойылған. Жаңа ауылды кеңестік өкімет кезінде "Кеңес" деп атайды. Кейіннен бұл жер үлкен ауылға айналады.

19561997 жылдары аралығында «Кеңес» қой өсіру ұжымшарының орталығы болып келді. Оның негізінде 1997 жылы Кеңесте 24 шаруа қожалығы құрылды.

Инфрақұрылымы[өңдеу]

Орта, бастауыш мектептер, клуб, фельдшерлік-акушерлік пункт, тағы басқа мекемелер бар.

Ауыл маңы[өңдеу]

Ауылда жер астынан шығып жатқан таза бұлақ бар. Оны халық "Қайнар бұлақ" деп атайды. Бұл қайнарға ешқандай ағын су қосылмайды. Кейін ауыл тұрғындары қайнардың алдын бөгеп, оның суын егіншілікке пайдаланған. Уақыт өте келе судың көлемі ұлғайып, көлге айналып, оны халық "Көлқайнар" деп атайды.

Ауылда "Жетімбөгет" деген бөгет бар. Оны салдырған Оразбай деген жетім кісі болған.

Ауылдағы тағы бір бөгет "Сабыралы", "Жаңабай" және "Қансейіт" бөгеттері. Олардың атаулары сол бөгеттерді тұрғызған адамдардың атымен аталған.

Сонымен қатар, ауылда малға шұрайлы "Жайылма", "Қарашеңгел" және "Кеңес" жайылымдары бар. Олардың атаулары жер бедеріне және ондағы өсетін өсімдіктерге байланысты қойылған.

Кеңес ауылының аумағында "Охкум төбе", "Биназар төбе", "Күміс төбе", "Жеті төбе", "Тәттібай төбе" және "Үштөбе" деген төбелер бар. "Охкум" - қалмақтардың қорғаныс бекеті болған деседі. Ал, Күміс деген Охкум патшаның қызы болған деген ел аузында сөз қалған. [2]

Дереккөздер[өңдеу]

  1. Тараз : Жамбыл облысы энциклопедиясы. Алматы, ISBN 9965-9389-1-1
  2. Жамбыл облысының топономикалық атауларының анықтамалығы

Сыртқы сілтемелер[өңдеу]