Ольга Андреевна Киколенко

Ольга Андреевна Киколенко. 1951 жылы 27 шілдеде Қостанай облысы Урицк ауданы (қазіргі Алтынсарин ауданы) Лихачевка ауылында туған. Неміс.

Әкесі - Сукненов Андрей Адьянович (1928-1985), ветеринарлық дәрігер болған. Анасы - Сукненова Лидия Фридриховна, зейнеткер, сауыншы болған.

Ш. Уәлиханов атындағы Көкшетау педагогикалық институтының неміс тілі мен әдебиеті факультетін (1974) неміс тілі мен әдебиеті пәндерінің оқытушысы мамандығы бойынша; Апматы Жоғары партия мектебін (1988) орта, жоғары оқу орындарында ғылыми коммунизм оқытушысы мамандығы бойынша; Ресей Басқару академиясын (Мәскеу) бітірген.

Тарих ғылымдарының кандидаты (1994). Кандидаттық диссертациясының тақырыбы: «Неміс бірлігінің қалыптасу тарихы». «Халық есінде», «Ресей немістерінің тарихынан» монографияларының авторы (1991-1994). Орыс, неміс және қазақ (сөздікпен) тілдерін біледі. «Нұр Отан» ХДП мүшесі (2004 жылдан). 1967 жылдан - Қостанай облысы Урицк аудандық 8-жылдық Лихачев мектебінде мұғалім. 1972 жылдан - Қостанай облысы Урицк аудандық 8-жылдық Лихачев мектебінде директор. 1976 жылдан - Қостанай облыстық Урицк аудандық Лермонтов ауылдық Халық депутаттары кеңесінің төрайымы. 1980 жылдан - Қостанай облысы Урицк аудандық Лермонтов атындағы кеңшарда партком хатшысы. 1983 жылдан - Қостанай облысы Урицк аудандық халық депутаттары атқару комитеті төрағасының орынбасары. 1984 жылдан - Қостанай облысы Қазақстан Компартиясы Урицк аудандық комитетінің хатшысы. 1991 жылдан - Қостанай облысы Урицк аудандық Халық депутаттары кеңесі төрағасының орынбасары. 1992 жылдан - Қостанай аудандық әкімшілігі басшысының орынбасары. 1995 жылдан - Қостанай облысы Қостанай ауданы әкімінің орынбасары. 1997 жылдан - Қостанай облысы әлеуметтік бағдарлама мен жұмыссыздықты үйлестіру департаментінің директоры. 2008 жылдан бері - ҚР Парламенті Мәжілісі 4-ші шақырылымының депутаты, Заңнама және сот-құқықтық реформа комитетінің мүшесі. Урицк аудандық Халық депутаттары кеңесінің депутаты (1972-1992). Қазақстан әйелдері ассоциациясы Қостанай филиалының мүшесі (2000 жылдан). «Құрмет белгісі» (1980) орденімен; «Еңбек ардагері» (1990), «1941-1945 жылдары Ұлы Отан соғысы Жеңісіне елу жыл» (1997), «Қазақстан Конституциясына 10 жыл» (2005), «Шапағат» (2005) медальдарымен марапатталған.

Тұрмыс құрған. Жұбайы - Киколенко Николай Иванович (1947). Ұлы - Киколенко Валерий Николаевич (1971), кәсіпкер; қызы - Киколенко Любовь Николаевна (1979), заңгер.