Кимограф

Кимограф (грек: kyma-толқын және grapho-жазамын) - организмдегі физиологиялық процестерді (жүректің соғуы, тыныс алу, бұлшық еттердің жиырылуы т.б.) графикалық әдіспен жазатын құрал. Алғаш рет неміс физиологы К. Людвиг (1847) кимографпен қан қысымын өлшеген. Кимограф қара қағаз жапсырылған біркелкі айналып тұратын темір барабан. Таяқшаға орнатылған және жүрекке, бұлшық етке не басқа органға жалғастырылған қаламұш барабан бетіне із түсіреді. Аса маңызды нақты зерттеулерге электрокимограф қолданылады. Мұндай кимограф айналуы біркелкі және оның жылдамдығын өзгертуге жеңіл болады.

Қолданылған әдебиет

• Қазақ Совет Энциклопедиясы, Алматы 1974 жыл,5 том, бас редакторы М.Қ. Қаратаев,425 бет