Кинохроника

Кинохроника - күнделікті өмірдің көкей кесті мәселелерін дер кезінде хабарлайтын кинохабар.

Кинохроника факт жайлы қысқаша дерек не түсініктеме берумен ғана шектеледі. Дегенмен оператор суреткер-публицист ретіндегі өз ойын көркемдік тәсілдері (ракурс, жоспар, кадр композициясы) арқылы бере алады. Кинохроника экранда киножурнал, арнайы шығарылатын немесе тақырыптық хроникалы фильмдер ретінде көрсетіледі. Кинохроника кинорепортаж, киноинтервью, кинокорреспонденция, киноочерк және кинофельетон болып бөлінеді. Телевизиялық кинохроника кино хабардың бірден-бір ұтымды түріне айналып кетті.